Rayon Mərkəzi Xəstəxanasında “Heydər Əliyev və Azərbaycanda səhiyyənin inkişafı” mövzusunda tədbir keçirilib
Rayon Mərkəzi Xəstəxanasında “Heydər Əliyev və Azərbaycanda səhiyyənin inkişafı” mövzusunda tədbir keçirilib. İlk olaraq Ulu öndərin xatirəsi bir dəqiqəlik sükutla yad edilib. Rayon Mərkəzi Xəstəxananın baş həkimi Aydın Əsədov tədbiri giriş sözü ilə açaraq Azərbaycanda səhiyyə sahəsindəki uğurların Heydər Əliyevin adı ilə bağlı olduğunu deyib. Qeyd edib ki, ulu öndər dünyanın nadir, fərqli siyasətçisi idi. Tək Azərbaycan səviyyəsində deyil, dünya miqyasında sözü keçərli, nüfuzu qəbul edilən lider idi. Onun siyasəti milli maraqlar üzərində qurulmuşdu. Çıxış edən RİH baş məsləhətçisi Nəsimi Teymurov, İsrail İsmayılov, Abdullətif Əliyev və Murad Həbibov da bildiriblər ki, bu gün ölkəmiz bu siyasətin uğurlarını hiss edir, onunla yaşayır və faydalanır. Azərbaycan heydər Əliyev siyasəti ilə irəliləyir. Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar, əldə olunan nəticələr xalqın sabaha olan inmaını artırır.
