Azərbaycan Xalq Cümhuriyyətinin 100 illik yubileyi münasibətilə İsmayıllıda marafon yarışı keçirilib

İsmayıllı Rayon Gənclər və İdman İdarəsi  rayon Təhsil Şöbəsi ilə birgə 25 may   2018-cı il tarixdə məktəblilər arasında 28 may-Respublika Günü-Azərbaycan Xalq Cümhuriyyətinin 100 illik yubileyi münasibətilə  marafon yarışı keçirib.
       Tədbirdə  İsmayıllı rayon İcra Hakimiyyətinin əməkdaşı Namiq Kərimov, rayon gənclər və idman idarəsinin rəisi Taleh Salehov, rayon təhsil şöbəsinin əməkdaşı İlham Vahabov, tam orta məktəblərin idman müəllimləri və şagirdləri iştirak ediblər.
       Tədbiri giriş sözü ilə açan İsmayıllı Rayon Gənclər və İdman idarəsinin rəisi Taleh Salehov  müəllim və şagirdləri salamlayıb və qeyd edib ki, may ayının 28-də müsəlman Şərqində ilk demokratik və parlamentli Respublika olan Azərbaycan Xalq Cümhuriyyətinin  yaranmasının 100-cü ildönümü tamam olur. Azərbaycan Respublikasının Prezidenti Cənab İlham Əliyevin hələ ötən il may ayının 16-da imzaladığı “Azərbaycan Xalq Cümhuriyyətinin 100 illik yubileyi haqqında” sərəncama əsasən Cümhuriyyətin yaradılmasının 100 illik yubileyi Respublikada geniş miqyasda qeyd edilir.
          İsmayıllı şəhər 1 nömrəli, şəhər 2 nömrəli, şəhər 3 nömrəli, şəhər 4 nömrəli, şəhər 5 nömrəli, şəhər 6 nömrəli, şəhər 7 nömrəli, Diyallı, Təzəkənd, Cülyan, Talıstan kənd tam orta məktəblərindən və Peşə Tədris Mərkəzindən  ümumilikdə 100 nəfər şagirdin iştirakı ilə keçirilən marafon başlanğıcını  “Şəhidlər Xiyabanı”ndan götürüb Ümummilli lider Heydər Əliyevin abidəsi önünə qədər davam edib.
Gərgin keçən marafonda  şəhər 5 nömrəli  tam orta məktəbin şagirdi Həsənov Samir I yerə, şəhər 3 nömrəli məktəb-liseyin şagirdi Cəlalov İbrahim II yerə, Təzəkənd kənd tam orta məktəbin şagirdi Əzizli Elxan III yerə çıxıblar. Hər üç yerin qalibi İsmayıllı Rayon Gənclər və İdman idarəsinin diplomları və qiymətli hədiyyələri ilə, həmçinin yarışda fərqləndiyinə görə Təzəkənd kənd tam orta məktəbin şagirdi Hüseyinli Azər, 5 nömrəli tam orta məktəbin şagirdi Eyyubov Sədaqət və Peşə Tədris Mərkəzinin şagirdi Ağammədov Samir diplomlarla təltif ediliblər.