Home Contact Phone
background
  • Ünvan: AZ 3100, İsmayıllı şəhəri, Heydər Əliyev pr. 51
  • Faks: (+994 2028) 5-12-47
  • E-mail: mail@ismayilli-ih.gov.az

Xəbərlər

  • ASAN Könüllülərinin “Həmrəylik düşərgə...

    ASAN Könüllülərinin “Həmrəylik düşərgəsi” Lahıcda

    2016-07-20

    Prezident İlham Əliyevin 2016-cı ili “Multikulturalizm ili” elan etməsi münasibətilə keçirilən silsilə tədbirlərə töhfə vermək məqsədilə ASAN Könüllüləri Təşkilatı tərəfindən iyulun 20-də Lahıcda “Həmrəylik düşərgəsi” layihəsinin rəsmi açılış mərasimi keçirilib.

  • Sağlamlıq imkanları məhdud olanlara əlil arab...

    Sağlamlıq imkanları məhdud olanlara əlil arabalarının verilməsi sevinclə qarşılandı.

    2016-07-20

    20 iyul 2016-cı il tarixdə Rayon İcra Hakimiyyəti, Uşaq və Ailələrə Dəstək Mərkəzinin birgə təşkilatçiliğı, Türk İşbirliyi və Koordinasiya Agentliyinin, Gəncliyə Yardım Fondunun maliyə dəstəyi ilə Qəbələ və İsmayıllı rayonlarından olan əlillərə 24 əlil arabası təqdim olunmuşdur.

  • “Gənclərin  İnkişaf Mərkəzi” İctimai Bi...

    “Gənclərin İnkişaf Mərkəzi” İctimai Birliyi İsmayıllıda tədbir keçirib

    2016-07-15

    “Gənclərin İnkişaf Mərkəzi” İctimai Birliyi Azərbaycan Respublikası Prezidenti yanında Gənclər Fondunun dəstəyi ilə “Şimal-qərb regionunda erkən evlilik və onun fəsadlarının araşdırılması” adlı layihənin icrasına başlamışdır. İyulun 15-də Rayon İcra Hakimiyyəti və İctimai Birliyin birgə təşkilatçılığı ilə Tarix Diyarşünaslıq Muzeyində layihə çərçivəsində seminar keçirilmişdir. Layihənin əsas məqsədi erkən və qeyri-rəsmi nigahların mənfi nəticələri barədə araşdırma apararaq əhalinin, xüsusilə də gənclərin maarifləndirilməsi, bu yolla cəmiyyətin gələcək sağlam inkişafına töhfə vermək, riskləri azaltmaqdır.

  • Ümummilli lider Heydər Əliyevin hakimiyyətə  ...

    Ümummilli lider Heydər Əliyevin hakimiyyətə gəlişinin 47-ci ili İsmayıllıda bayram edilib

    2016-07-14

    Ümummilli liderimiz Heydər Əliyevin adı ilə bağlı əlamətdar günlər, hadisələr, bayramlar Azərbaycan tarixinin şanlı səhifələridir, milli-mənəvi-sosial dəyərlərimiz-sərvətimizdir. 14 iyul isə bu günlər arasında xüsusilə seçilən, daha böyük əhəmiyyət kəsb edən, milli yüksəlişimiz və ədalətin zəfər çalması baxımından çox çox dəyərlidir. Ulu öndər 1969-cu il iyul ayının 14-də Azərbaycan Respublikasının idarə olunması məsuliyyətini öz üzərinə götürmüşdü. Bu tarixi hadisənin 47-ci ildönümü münasibətilə Heydər Əliyev Mərkəzinin ərazisində təntənəli tədbir keçirilib.

  • Yaşıl turizmə həsr olunmuş tədbir keçirilib

    Yaşıl turizmə həsr olunmuş tədbir keçirilib

    2016-07-14

    Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2016-cü il üçün elan etdiyi müsabiqədə qalib gəlmiş “Kənd yaşıl turizmin inkişafına dəstək” İctimai Birliyi “Kiçik sahibkarlığın inkişafı məqsədi ilə kənd qonaq evlərində turist xidmətlərinin göstərilməsi qaydaları üzrə maarifləndirmə işlərinin aparılması və metodik vəsaitin çapı” layihəsinin icrası ilə bağlı İsmayıllı rayonunda təlim keçirilib. Təlim 12-13 iyul tarixlərində İsmayıllı rayonunun “Çiraqban” istirahət mərkəzində baş tutub.

  • İsmayıllı veteranlar təşkilatının növbəd...

    İsmayıllı veteranlar təşkilatının növbədənkənar konfransı

    2016-07-13

    İsmayıllının ictimai həyatında fəallığı ilə seçilən, 12 il rayon veteranlar təşkilatına rəhbərlik etmiş Abduləli Əliyev bir müddət əvvəl dünyasını dəyişib. Yeni sədr seçkisi ilə əlaqədar növbədənkənar konfrans keçirməyə ehtiyac yaranmışdı. Rayon veteranlar təşkilatının Heydər Əliyev Mərkəzində işinə başlayan konfransını dövlət qulluğu veteranı Valeh Salehov açıb. Soyqırımlar zamanı və İkinci dünya müharibəsində həlak olmuş soydaşların, Qarabağ müharibəsində şəhid olmuş vətən övladlarının, vəfat etmiş sədrin xatirəsi bir dəqiqəlik sükutla yad edilib.

  • Xarici ölkələrin gəncləri İsmayıllıda

    Xarici ölkələrin gəncləri İsmayıllıda

    2016-07-13

    Azərbaycan Respublikası Gənclər və İdman Nazirliyi və Xarici İşlər Nazirliyinin birgə əsasnaməsinə uyğun olaraq 2015-ci ilin fevral-aprel aylarında xarici ölkələrin gəncləri arasında “Mən Azərbaycan haqqında nə bilirəm?” mövzusunda esse yazı müsabiqəsi keçirilmiş, Argentina, Banqladeş, Braziliya, Butan, Çex Respublikası, Fransa, Hindistan, Litva, Meksika, Monteneqro, Rumıniya və Serbiyadan olan qaliblərin 10-20 iyul 2016-cı il tarixlərdə Azərbaycana səfəri nəzərdə tutulmuşdur. Azərbaycanı qarış-qarış gəzməyi planlaşdırılan xarici ölkə gəncləri 13 iyul 2016-cı il tarixdə İsmayıllı rayonuna gələrək Lahıc qəsəbəsi ilə daha yaxından tanış oldular. Lahıc qəsəbəsinin YUNESKO-nun qeyri-maddi mədəni irsinə daxil olmuş “Lahıc misgərliyi” ilə maraqlandılar. Lahıcın füsunkar təbiəti və özünəməxsus memarlığı xarici ölkə gənclərini valeh etdi.

  • İsmayıllı Rayon Mərkəzi Xəstəxanasında qan...

    İsmayıllı Rayon Mərkəzi Xəstəxanasında qanvermə aksiyası keçirilib

    2016-07-12

    İyulun 12-də İsmayıllı Rayon Mərkəzi Xəstəxanasında Azərbaycan Respublikasının Prezidenti cənab İlham Əliyevin təsdiq etdiyi "Hemofiliya və talassemiyadan əziyyət çəkən uşaqlara qayğı" Dövlət Proqramına uyğun olaraq keçirilən qanvermə aksiyasında rayonun idarə, müəssisə və təşkilatlarının işçiləri, gənclər, o cümlədən ictimaiyyətin nümayəndələri iştirak ediblər. Bahadur Eyvazov adına Elmi-Tədqiqat Hemotologiya və Transfiziologiya İnstitutunun Mərkəzi Qan Bankı tərəfindən rayona ezam olunan xüsusi tibb briqadasının həkim-hemotoloqları tərəfindən hər bir donorun sağlamlığı öncədən müayinə olunduqdan sonra qanvermə aksiyasına qoşulmağa icazə verilib. Gün ərzində çoxsaylı rayon sakini könüllü olaraq qan verib.

  • “Əks-səda” İctimai Birliyi İsmayıllıda t...

    “Əks-səda” İctimai Birliyi İsmayıllıda tədbir keçirib

    2016-07-12

    “Əks-səda” Beynəlxalq Junalist Tədqiqatları Mərkəzi İctimai Birliyi may ayından Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Multikulturalizm ili”nə həsr olunmuş müxtəlif layihələrin icrasına başlayıb. “İl” çərçivəsində ölkəmizin müxtəlif regionlarında dəyirmi masalar, yığıncaqlar, görüşlər, keçirib. Azərbaycan xalqının sahib olduğu tolerant və multikultural ənənələri təbliğ edib. İyulun 12-də Rayon İcra Hakimiyyəti və İctimai Birliyin birgə təşkilatçılığı ilə İsmayıllıda “Azərbaycan Multikulturalizm modeli: dünyaya sülh, qardaşlıq və dözümlülük ideyasının yayılmasına töhfəmiz” mövzusunda azsaylı xalqların nümayəndələrinin, gənclərin, ziyalıların iştirakı ilə Tarix Diyarşünaslıq Muzeyinin iclas zalında dəyirmi masa keçirilib.

  • Səyyar görüş-qəbul keçirilib

    Səyyar görüş-qəbul keçirilib

    2016-07-08

    8 iyul 2016-cı il tarixdə Rayon İcra Hakimiyyətinin başçısı Mirdaməd Sadıqovun Talış kəndində səyyar görüş-qəbulu keçirilib. Görüşdə RİH başçısı ilə yanaşı RİH-nin məsul işçiləri, aidiyyəti idarə və müəssisə rəhbərləri iştirak ediblər. Talış kəndinin, eləcə də Aşıqbayramlı İƏD üzrə nümayəndəliyə daxil olan kəndlərin problemləri ilə tanış olduğunu bildirən M.Sadıqov vətəndaşların şəxsi və ümumi problemlərini dinləyib, aidiyyəti şəxslərə tapşırıq və tövsiyələrini bildirib. Rayon İcra Hakimiyyəti başçısının növbəti səyyar görüşü Keyvəndi kəndində keçiriləcəkdir.

  • Polis işçilərinin peşə bayramı qeyd olundu

    Polis işçilərinin peşə bayramı qeyd olundu

    2016-07-02

    02 iyul 2016-cı il tarixdə Polis işçilərinin peşə bayramı İsmayıllıda qeyd olundu. Tədbir iştirakçıları əvvəlcə Ümummilli lider Heydər Əliyevin abidəsi önünə gül dəstələri qoydular. Rayon Polis şöbəsində keçirilən tədbiri giriş sözü ilə RPŞ-nin rəisi Telman Ağasıyev açaraq polis işçilərini peşə bayramı münasibətilə təbrik etdi, çətin və fədakar fəaliyyətində onlara uğurlar arzuladı.

  • İsmayıllı rayon komandası respublikada III old...

    İsmayıllı rayon komandası respublikada III oldu

    2016-07-02

    2 iyul 2016-cı il tarixində Qəbələ şəhərində Fövqəladə Hallar Nazirliyinin təşkilatçılığı, UNİCEF-in Bakı ofisinin, Təhsil, Gənclər və İdman nazirliklərinin dəstəyi ilə keçirilmiş "Gənc xilasedici" IV Beynəlxalq yarışına və "Gənc xilasedici və yanğınsöndürən" V Ümumrespublika birinciliyinə yekun vurulmuşdur. Yekun tədbirlərində Azərbaycan Respublikasının fövqəladə hallar naziri general-polkovnik Kəmaləddin Heydərov, təhsil nazirinin müavini Firidun Qurbanov, gənclər və idman nazirinin müavini İsmayıl İsmayılov iştirak etmişlər. Əvvəlcə, gənc xilasedicilərin nümunəvi təlim çıxışları nümayiş etdirilmişdir. Sonra nazir Kəmaləddin Heydərovun rəhbərliyi və komanda kapitanlarının iştirakı ilə Qəbələ Mədəniyyət Mərkəzində “dəyirmi masa” keçirilmişdir. Keçirilən yarışların gənclərin fövqəladə hallara qarşı mübarizədə təcrübə qazanmalarına geniş imkanlar açacağını diqqətə çatdıran nazir belə tədbirlərin davam etdirilməsinin vacibliyini vurğulamışlar.

  • İsmayıllı RİH-nin başçısı yanında Şura i...

    İsmayıllı RİH-nin başçısı yanında Şura iclasında vacib məsələlər müzakirə edilib

    2016-07-01

    İsmayıllı rayon İcra Hakimiyyəti başçısı yanında Şuranın növbəti iclasında daha vacib iki məsələ müzakirə olunub. “UNESKO-nun qeyri-maddi mədəni irs üzrə Reprezentativ siyahısına daxil olan “Kəlağayı”, “Xalça” və “Lahıc misgərlik sənəti”nin qorunub saxlanması və onların inkişaf etdirilməsi sahəsində rayonda görülən işlər, qarşıda duran vəzifələr haqqında” məsələni şura iclasının müzakirəsinə RİH başçısının müavini Sevil Əhmədova təqdim edib. Xalq sənətkarlığı baxımından daha zəngin olan Lahıc və Basqal qəsəbələri üzrə icra nümayəndələri hesabat xarakterli çıxış ediblər. Digər məsul şəxslərin çıxışları dinlənilib.

  • Yaponiyanın VA- Liqa ansamblı İsmayıllıda

    Yaponiyanın VA- Liqa ansamblı İsmayıllıda

    2016-07-01

    Bir neçə ildir ki, İsmayıllı şəhəri ilə Yaponiyanın İto şəhəri arasında qarşılıqlı əməkdaşlıq və dostluq əlaqələri yaradılmışdır. Multkulturalizm ili çərçivəsində Yaponiyanın VA-Liqa ansamblı da ənənəvi Yapon musiqi alətlərinin təqdimatını və konsert proqramını İsmayıllı rayonunun İvanovka kəndində keçirdi.

  • I Beynəlxalq Dolma Festivalında III yer

    I Beynəlxalq Dolma Festivalında III yer

    2016-07-01

    01 iyul 2016-cı il tarixdə Azərbaycan Respublikasının Mədəniyyət və Turizm Nazirliyinin, Abşeron rayon İcra Hakimiyyətinin, Azərbaycan Milli Kulinariya Mərkəzinin və Azərbaycan Milli Kulinariya Assosiasiyasının (AMKA) birgə təşkilatçılığı ilə Abşeron rayonunda I Beynəlxalq Dolma Festivalı keçirilmişdir. Festivalda bölgələrimizdə bişirilən və müxtəlif çeşiddə hazırlanan 300-dən çox dolma yeməkləri sərgilənmişdir. Festivalında İsmayıllı rayonu 9 adda dolma ilə yüksək səviyyədə təmsil olunmuş və Abşeron rayon İcra Hakimiyyətinin və Azərbaycan Milli Kulinariya Assosiasiyasının tərəfindən Gicitkən dolması üzrə III yerə və bürünc medala layiq görülmüşdür. Tədbirdə Azərbaycanda fəaliyyət göstərən diplomatik korpus nümayəndələri tərəfindən hər ölkənin ənənəsinə uyğun hazırlanan yeməklər də nümayiş olunmuşdur. İndoneziya və Ukraynadan da nümayəndələr iştirak etmiş və milli mətbəxlərinin yeməklərini sərgilənmişdir. Beynəlxalq festivalda türkdilli dövlətlərlə yanaşı, dünyanın bir neçə ölkəsindən gəlmiş qonaqlar da iştirak etmişdir.

  • Futbol üzrə rayon çempionatı davam edir.

    Futbol üzrə rayon çempionatı davam edir.

    2016-06-30

    6 iyun 2016-cı il tarixdən başlanan futbol üzrə rayon çempionatı uğurladavam edir. Hər gün 2 oyun (şəhərdə və kəndlərin birində) keçirilir.

  • “Azərbaycan - doğma diyar”

    “Azərbaycan - doğma diyar”

    2016-06-30

    28-30 iyun 2016-cı il tarixdə Azərbaycan Respublikasının Mədəniyyət və Turizm Nazirliyinin təşkilatçılığı ilə Bakı şəhərində keçirilmiş “Azərbaycan - doğma diyar” devizi altında Milli Azlıqların Ənənəvi V Respublika Festivalında İvanovka Xalq Folklor kollektivi və Lahıc Folklor kollektivi İsmayıllı rayonunu uğurla təmsil etmişdir. Hər iki folklor kollektivi uğurlu çıxışlarına görə diplomla təltif olunmuşdur. Ölkəmizdə yaşayan milli azlıq və etnik qrupların mədəniyyətinin, incəsənətinin, adət-ənənələrinin və dilinin qorunub saxlanılması istiqamətində aparılan dövlət siyasətinin tərkib hissəsi olan festival beşinci dəfə gerçəkləşdi. Festival iyunun 30-da Heydər Əliyev Sarayında möhtəşəm qala-konsertlə başa çatdı.

  • Rayon İcra Hakimiyyəti başçısının aparat q...

    Rayon İcra Hakimiyyəti başçısının aparat qəbulu keçirilib

    2016-06-29

    29 iyun 2016-cı il tarixdə İsmayıllı rayon İcra Hakimiyyəti başçısının vətəndaşlarla növbəti aparat qəbulu keçirilib. RİH başçısının qəbulunda RİH başçısının müavinləri, RİH başçısı aparatının şöbə müdirləri, hüquq-mühafizə orqanlarının, idarə, müəssisə və təşkilat rəhbərləri iştirak edib. Qəbul zamanı rayonun müxtəlif ərazilərindən - İsmayıllı şəhəri, Xanagah, Quşencə, Qurbanəfəndi, Vəng, Kürdmaşı və Sumağallı kəndlərindən vətəndaşlar iştirak edib, onları narahat edən problemlərini səsləndiriblər.

  • “İslahatçı Gənclər” İctimai Birliyi İsm...

    “İslahatçı Gənclər” İctimai Birliyi İsmayıllıda konfrans keçirdi.

    2016-06-28

    Bu gün bütün dünyada dini radikalizm sürətlə yayılmaqda, dinin əsl mahiyyətindən uzaq olan bir sıra digər məqsədlər üçün istifadə cəhdləri çoxalmaqdadır. Xüsusilə gənclərin bu proseslərə alət kimi cəlb edilməsi cəhdləri davam etdirilir. Radikalizmi doğuran başlıca səbəblərdən biri din haqqında məlumatsızlıq və yalnış yönləndirilmələrdir.

  • İsmayıllıda 26 iyun- Silahlı Qüvvələr Gün...

    İsmayıllıda 26 iyun- Silahlı Qüvvələr Günü qeyd edildi

    2016-06-25

    Ulu öndər Heydər Əliyevin 22 may 1998-ci il tarixli Fərmanı ilə 26 iyun Azərbaycanda Silahlı Qüvvələr Günü elan edilmişdir.Bu tarixi gün ölkəmizdə həmişə yüksək səviyyədə qeyd olunur, Azərbaycan xalqı Ali Baş Komandana, güclü ordumuza öz inam və etibarını ifadə edir.

  • İsmayıllıda güllə atıcılığı üzrə rayon...

    İsmayıllıda güllə atıcılığı üzrə rayon birinciliyi

    2016-06-24

    26 iyun-Silahlı Qüvvələr Günü hər bir azərbaycanlının həyatında əlamətdar günlərdən biridir. Ulu öndər Heydər Əliyevin 1998-ci il 22 may tarixli Fərmanı ilə həyata vəsiqə alan bu tarixi gün hər il ölkəmizdə yüksək səviyyədə qeyd olunur. Rayonumuzda da Silahlı Qüvvələr günü ilə bağlı idman yarışları, müsabiqələr, turlar keçirilir. İyunun 24-də Rayon Gənclər İdman İdarəsinin və Qarbağ Müharibəsi Əlilləri, Veteranları və Şəhid Ailələri İctimai Birliyi rayon filialının birgə təşkilatçılığı ilə şəhər üç saylı məktəb-liseyin idman bazasında güllə atıcılığı üzrə rayon birinciliyi keçirilib. Yarışda 20 nəfərdən çox gənc idmançı, Qarabağ müharibəsi əlili və veteranı güllə atıcılığı üzrə öz qüvvəsini sınayıb.

  • “Birgə yaşayışın Azərbaycan modeli”

    “Birgə yaşayışın Azərbaycan modeli”

    2016-06-24

    24 iyun 2016-cı il tarixdə İsmayıllıda Azərbaycan Respublikası Prezidenti yanında Qeyri-Hökumət Təşkilatları Dövlət Dəstəyi Şurasının dəstəyi ilə “Qloballaşma Gənclərin Milli-Əxlaqi Dəyərlərinin Qorunması Mərkəzi” İctimai Birliyi Rayon İcra Hakimiyyəti ilə “Birgə yaşayışın Azərbaycan modeli” adlı layihənin icrası ilə bağlı tədbir keçirib.

  • Velosiped idman növü üzrə ölkə çempionatı ...

    Velosiped idman növü üzrə ölkə çempionatı İsmayıllıda keçirildi.

    2016-06-24

    21-24 iyun 2016-cı il tarixində Gənclər və İdman Nazirliyinin və Velosiped Federasiyasının birgə təşkilatçılığı ilə İsmayıllıda velosiped idman növünün fərdi və qrup ötüşmələri üzrə ölkə çempionatı keçirilib. İdmançılar İsmayıllı-Göyçay-Ağsu maşurutu üzrə yarışıblar.

  • Mədəniyyət və Turizm Şöbəsi diploma layiq g...

    Mədəniyyət və Turizm Şöbəsi diploma layiq görülmüşdür

    2016-06-24

    24 iyun 2016-cı il tarixdə Azərbaycan Respublikasının Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzinin təşkilatçılığı ilə Xaçmaz rayonunda keçirilən “Multikultural dəyərləri yaşadaq” adlı Beynəlxalq Festivalda, “Azərbaycan-dünya multikulturalizminin ünvalarından biridir” adlı sərgidə və “Multikuturalizmə alternativ yox” adlı elmi-praktik konfransda İsmayıllı rayonu da iştirak etmişdir. Mədəniyyətşünaslıq üzrə Elmi-Metodiki Mərkəz tərəfindən İsmayıllı rayon Mədəniyyət və Turizm Şöbəsi tədbirdə fəal iştirakına görə diploma layiq görülmüşdür.

  • Rövşən Ağayev “Dövlət qulluğunda fərqlə...

    Rövşən Ağayev “Dövlət qulluğunda fərqlənməyə görə” medalı ilə təltif olunub

    2016-06-23

    Azərbaycan Respublikası Prezidentinin “Dövlət qulluqçularının təltif edilməsi haqqında” 22 iyun 2016-cı il tarixli Sərəncamı ilə Dövlət qulluğunda səmərəli fəaliyyət göstərən bir qrup şəxs təltif olunub. Təltif olunanlar siyahısında İsmayıllı Rayon İcra Hakimiyyəti Başçısının birinci müavini Ağayev Rövşən Rahib oğlunun da adı var. Bu münasibətlə Rayon İcra Hakimiyyəti Aparatı adından Rövşən Ağayevi təbrik edir, gələcək işlərində uğurlar arzulayırıq

əvvəlki [25] növbəti