Home Contact Phone
background
  • Ünvan: AZ 3100, İsmayıllı şəhəri, Heydər Əliyev pr. 51
  • Faks: (+994 2028) 5-12-47
  • E-mail: mail@ismayilli-ih.gov.az

Xəbərlər

  • Rayonumuzun nümayəndələri Gəncədə “İmamz...

    Rayonumuzun nümayəndələri Gəncədə “İmamzadə” dini-kompleksinin açılışında iştirak etmişlər.

    2016-02-20

    Fevral ayının 17-də ölkə Prezidenti cənab İlham Əliyev qərb bölgəsinə səfər etmiş, Gəncə şəhərində bir sıra obyektlərin, eyni zamanda əsaslı təmir və yenidənqurmadan sonra “İmamzadə” dini kompleksinin açılışını etmişdir.

  • Gənclər və idman naziri Azad Rəhimov İsmayıl...

    Gənclər və idman naziri Azad Rəhimov İsmayıllıda vətəndaşları qəbul edib

    2016-02-19

    Bu gün Gənclər və idman naziri Azad Rəhimov Balakən, Oğuz, Qax, Qəbələ, Şəki, Zaqatala və İsmayıllı rayonundan olan vətəndaşları qəbul edib. Saat 11.00-da İsmayıllı rayon Heydər Əliyev Mərkəzində baş tutan qəbulda 30-a yaxın vətəndaş iştirak edib.

  • İsmayıllı əhalisi mütəşəkil qaydada tibbi ...

    İsmayıllı əhalisi mütəşəkil qaydada tibbi müayinədən keçir.

    2016-02-19

    22 sentyabr 2014-cü il tarixdə cənab prezident İlham Əliyev İsmayıllıya səfəri zamanı təmir olunmuş, müasir avadanlıqlarla təchiz edilmiş Rayon Mərkəzi Xəstəxanasının açılışını etmiş, tövsiyə və tapşırıqlarını vermişdir. Cənab prezidentin tapşırığı ilə artıq 3 ildir ki, əhali pulsuz olaraq tibbi müayinədən keçirilir. Bu il də fevralın 15-dən mayın 2-dək Respublika əhalisinin tibbi müayinədən keçirilməsinə başlanmışdır.

  • Ağır Atletika üzrə 10-cu Respublika çempionat...

    Ağır Atletika üzrə 10-cu Respublika çempionatı

    2016-02-19

    19 fevral 2016-cı il tarixdə İsmayıllı Olimpiya İdman Kompleksində 2002-2003-cü il təvəllüdlü yeniyetmələr arasında Ağır Atletika üzrə 10-cu Respublika çempionatı keçirilib. İdman tədbirində Gənclər və İdman Nazirliyinin sektor müdiri Mütalib Həsənov, RİH-nin məsul işçisi Rövşən Yəhyayev, RGİİ-nin rəisi Taleh Salehov, OİK-in direktoru Tofiq Hümbətov iştirak ediblər. Yarışda respublikanın 16 şəhər və rayonundan 100 nəfər yeniyetmə idmançı öz qüvvələrini sınayıb.

  • Xocalı faciəsinin 24-cü ildönümü ərəfəsin...

    Xocalı faciəsinin 24-cü ildönümü ərəfəsində İsmayıllıda məcburi köçkünlərlə görüş

    2016-02-18

    İsmayıllı rayonunda 867 ailəni əhatə edən 3500 nəfər məcburi köçkün müvəqqəti məskunlaşmışdır. 17 Xocalı köçkünü ailəsi Ruşan, Vəng, Kürdmaşı və Tubukənd kəndlərində yaşayır. Onların hamısı rayon icra hakimiyyətinin başçısı ilə görüşdə iştirak edirdi. Gənclər mərkəzinin 350 nəfərlik akt zalı bu gün məcburi köçkünlərin ixtiyarına verilmişdi.

  • Diyallı kəndində görüş-qəbul keçirilib

    Diyallı kəndində görüş-qəbul keçirilib

    2016-02-17

    Rayon İcra Hakimiyyətinin başçısı Mirdaməd Sadıqov görüş-qəbulu açaraq qarşıda duran həlli vacib məsələlərdən, kəndin inkişafı üçün görüləcək tədbirlərdən, qaz, enerji və su təchizatının, kommunal xidmətlərin daha da yaxşılaşacağından, sahibkarlığın inkişafı üçün sakinlərin fəal mövqeyə gəlməsinin vacibliyindən danışıb. RİH başçısı bildirib ki, kəndin ərazisində tikilən velosiped zavodu və eləcədə tikiləcək digər istehsal müəssisələri rayonda eləcədə Diyallı kəndində işsizliyi aradan qaldırılmasında, rayonun iinkişafında mühüm rol oynayacaqdır.

  • Vergilər naziri Fazil Məmmədov İsmayıllı ray...

    Vergilər naziri Fazil Məmmədov İsmayıllı rayon ictimaiyyətinin nümayəndələri ilə görüşüb

    2016-02-12

    Vergilər naziri Fazil Məmmədov fevralın 12-də İsmayıllı şəhərində rayon ictimaiyyətinin nümayəndələri ilə görüşüb. İsmayıllı rayon icra hakimiyyətinin akt zalında keçirilən görüşü RİH-nin başçısı Mirdaməd Sadıqov açaraq sahibkarlığın inkişafı, sahibkarların fəaliyyəti üçün yaradılan şəraitdən, son zamanlar həyata keçirilən layihələrdən, kənd təsərrüfatının intensiv inkişafı yollarından, büdcənin dotasiyadan asılılığının azaldılması məqsədilə həyata keçirilən tədbirlərdən danışıb.

  • 15 fevral 2016-cı il tarixdə əhalinin tibbi mü...

    15 fevral 2016-cı il tarixdə əhalinin tibbi müayinədən keçirilməsinə start veriləcək

    2016-02-11

    Azərbaycan Respublikasının Prezidenti cənab İlham Əliyevin tapşırığına əsasən fevralın 15-dən mayın 2-dək respublika əhalisinin tibbi müayinədən keçirilməsi nəzərdə tutulub. Bununla əlaqədar rayonumuzda da mühüm tədbirlər həyata keçirilir. Bu məsələ ilə bağlı tapşırıqların icrasını təmin etmək və tibbi müayinənin keyfiyyətlə həyata keçirilməsinə nail olmaq məqsədilə Rayon İcra Hakimiyyətinin başçısı Mirdaməd Sadıqov sərəncam imzalamışdır.

  • Basqal və Təzəkənddə qəbul keçirilib

    Basqal və Təzəkənddə qəbul keçirilib

    2016-02-10

    Tarixi Basqalın müasir problemləri ilə gündəlik məşğul olan rayon icra hakimiyyətinin başçısı Mirdaməd Sadıqov görüş-qəbulu açaraq qarşıda duran həlli vacib məsələlərdən, Basqalın yeniləşməsi üçün görüləcək tədbirlərdən, qaz, enerji və su təchizatının, kommunal xidmətinin daha da yaxşılaşacağından, ipəkçiliyin, kəlağayı toxulçuluğunun bərpa olunacağından, sahibkarlığın inkişafı üçün sakinlərin fəal mövqeyə gəlməsinin vacibliyindən danışdı.

  • “Möcüzəli ünsiyyət” festivalı layihəsi ...

    “Möcüzəli ünsiyyət” festivalı layihəsi İsmayıllıda

    2016-02-10

    10.02.2016-cı il tarixdə Uşaq kitabxanasında “İrəli” İctimai Birliyinin dəstəyi ilə “Möcüzəli Unsiyyət” festivalı layihəsi həyata keçirildi. Layihənin məqsədi gəncləri mütaliəyə təşviq etmək, bədii və elmi ədəbiyyata maraqlarını artırmaqdır.

  • Milli Qəhrəman  Mübariz İbrahimovun doğum gü...

    Milli Qəhrəman Mübariz İbrahimovun doğum günü İsmayıllıda formaca müxtəlif məzmunca zəngin tədbirlərlə qeyd olundu.

    2016-02-06

    İsmayıllı gəncləri Qarabağ müharibəsində qəhrəmanlıq göstərərək, şəhid olmuş vətən övladlarının ruhu qarşısında özünü həmişə borclu bilir. Bu borcu müxtəlif formalı, zəngin məzmunlu tədbirlərlə- anım və xatirə günləri, yürüşlər,ziyarətlər, ədəbi-bədii kompozisiyalar və flaşmoblarla yerinə yetirirlər. Milli Qəhrəman Mübariz İbrahimovun doğum gününə həsr olunmuş tədbirdə bunlar tam dolğunluğu ilə əksini tapmışdı.

  • Sahibkarlığın inkişafı, rayon büdcəsinin fo...

    Sahibkarlığın inkişafı, rayon büdcəsinin formalaşdırılması və əhalinin məşğulluğunun artırılması üçün səmərəli yollar müəyyənləşdirilir.

    2016-02-06

    İsmayıllı rayon İcra hakimiyyəti qeyri-neft sektorunun aparıcı istiqaməti olan kənd təsərrüfatının inkişafına, bu sahəyə investisiya cəlbinə, sahibkarlığın və özəl fəaliyyətin inkişafına xüsusi diqqətlə yanaşır. “Yaşıl bazar”ın, Keyvəndi kəndində çoxprofilli istehsalı və emalı olacaq heyvandarlıq kompleksinin, Qalınçaq kəndində ildə min ton hinquşu əti istehsal edəcək fabrikin tikintisi icra olunan layihələrdəndir.

  • Kənd təsərrüfatı məhsullarının satış yar...

    Kənd təsərrüfatı məhsullarının satış yarmarkası keçirilib

    2016-02-05

    05 fevral 2016-cı il tarixdə şəhər əhalisini ekoloji təmiz kənd təsərrüfatı məhsulları ilə təmin etmək və süni qiymət artımının qarşısının alınması məqsədilə “Qala divarları”nın qarşısında yarmarka keçirilib. Yarmarkada 15 sahibkar və fermer tərəfindən 3 ton taxıl məhsulları, 1 ton süd, 500 kq ət məhsulları, 2 ton meyvə-tərəvəz satışa çıxarılmışdır. Əhaliyə təklif edilən məhsulların dəyəri bazar qiymətlərindən 25-30% aşağıdır.

  • “Daşınmaz Əmlakın Mülkiyyət Hüquqlarını...

    “Daşınmaz Əmlakın Mülkiyyət Hüquqlarının Dövlət qeydiyyatına alınmasında maarifləndirmə işinin təşkili”

    2016-02-05

    05 yanvar 2015-ci il tarixdə İsmayıllı şəhər Heydər Əliyev Mərkəzində “Daşınmaz Əmlakın Mülkiyyət Hüquqlarının Dövlət qeydiyyatına alınmasında maarifləndirmə işinin təşkili” mövzusunda rayonun İnzibati Ərazi Dairələri üzrə nümayəndələr və bələdiyyə sədrlərinin iştirakı ilə seminar müşavirə keçirilmişdir. Seminar müşavirədə RİH başçısı Mirdaməd Sadıqov, RİH başçısının müavini Mahmud Süleymanov, Ərazi idarəetmə və yerli özünüidarəetmə orqanları ilə iş şöbəsinin müdiri R.Səmədov, Daşınmaz Əmlakın Dövlət Reyestr Xidmətinin Qəbələ ərazi idarəsinin rəisi Qasım Əliyev, ərazi idarəsinin baş mühəndisi Tofiq Məmmədov və hüquq şöbəsinin müdiri Ruslan Mirzəyev, İƏD üzrə nümayəndə və bələdiyyələr iştirak edib.

  • Bələdiyyələr seçiciləri qarşısında hesaba...

    Bələdiyyələr seçiciləri qarşısında hesabat verir.

    2016-02-05

    İsmayıllı rayonu üzrə şəhər, qəsəbə və kənd bələdiyyələrinin 2015-ci ilin yekunları ilə əlaqədar seçiciləri qarşısında hesabat yığıncaqları keçirilir. Bu günə kimi rayonun Aşıqbayramlı, Brovdal, Basqal, Cülyan, Yuxarı Cülyan-Müdri, Diyallı, Gəraybəyli, Hacıhətəmli, Kürdmaşı, Kəlbənd və İvanovka bələdiyyələri seçiciləri qarşısında hesabatlarını təqdim etmişdir.

  • Kəndlərdə sahibkarlığın inkişafı

    Kəndlərdə sahibkarlığın inkişafı

    2016-02-04

    03 fevral 2016-cı il tarixdə İsmayıllı Rayon İcra Hakimiyyətində İƏD üzrə nümayəndəliklərin ərazisində sahibkarlığın inkişaf etdirilməsi və məhsul istehsalının artırılması ilə əlaqədar Diyallı, Təzəkənd, Qoşakənd, Tircan, Bizlan, Keyvəndi, Basqal, Sulut, Tağlabiyan, Zərnava, Lahıc, Əhənd Müdri, Həftəsov və Xankəndi kəndlərindən olan sahibkarlar və məhsul istehsalçıları ilə görüş-müşavirə keçirilmişdir. Rayon İcra Hakimiyyətnin başçısı Mirdaməd Sadıqov müşavirə iştirakçılarına qarşıda duran vəzifələrin uğurla icrası barədə tövsiyyə və tapşırıqlarını verdi.

  • Kəndlərdə sahibkarlığın inkişafı

    Kəndlərdə sahibkarlığın inkişafı

    2016-02-03

    03 fevral 2016-cı il tarixdə Ismayıllı Rayon İcra Hakimiyyətində İƏD üzrə nümayəndəliklərin ərazisində sahibkarlığın inkişaf etdirilməsi və məhsul istehsalının artırılması ilə əlaqədar Qalacıq, İstisu, Sumağallı, Topçu, Qurbanəfəndi, Xanagah, Cülyan və Talıstan kəndlərindən olan sahibkarlar və məhsul istehsalçıları ilə görüş-müşavirə keçirilib. Rayon İcra Hakimiyyətnin başçısı Mirdaməd Sadıqov müşavirə iştirakçılarına qarşıda duran vəzifələrin uğurla icrası barədə tövsiyə və tapşırıqlarını verib.

  • 2 fevral Gənclər günü İsmayıllıda uğurlar ...

    2 fevral Gənclər günü İsmayıllıda uğurlar ilinin yekunu kimi qeyd olunub

    2016-02-01

    Gənclərin fəallığının və uğurlarının təbliğinin nəticəsi olaraq İsmayıllı 2015-ci il üçün “Azərbaycanın gənclər paytaxtı”seçilmişdi. Gənclər paytaxtı çərçivəsində bir sıra Respublika tədbirləri üçün məkan İsmayıllı seçilib.”Gənclər siyasətinin Azərbaycan modeli” mövzusunda Beynəlxalq Gənclər Forumu, “Etno-irs” layihəsi, gənc jurnalistlərin, gənc politoloqların, “İrəli” gənclər təşkilatının, gənclərlə bağlı bir sıra QHT-lərin layihələri burada reallaşıb. Rayon icra hakimiyyətinin başçısı Mirdaməd Sadıqovun ideya müəllifliyi ilə ixtisas təhsili olmayan gənclər üçün “Gənc təsərrüfatçılar məktəbi” təsis edilib, “İnnovasiya mərkəzi” yaradılıb. İdarəetməyə gənclərin daha çox cəlbinə diqqqət yetirilib. İsmayıllı gəncləri öz bayramlarını- Gənclər gününü qeyd etməyə bu və digər çoxsaylı uğurlarla gəlmişdilər.

  • Kollecin Tələbə Gənclər Təşkilatı mükafat...

    Kollecin Tələbə Gənclər Təşkilatı mükafatlandırılıb

    2016-01-31

    Azərbaycan Respublikası Nazirlər Kabinetinin 25 iyun 2013-cü il tarixli, 168 nömrəli Qərarı ilə İsmayıllı Dövlət Humanitar və Texnologiya Kolleci yaradılmışdır. 1 il sonra isə kollecin Tələbə Gənclər Təşkilatı yaradıldı və keçən müddət ərzində aktiv fəaliyyət göstərib. 2015-ci il uğurlu fəaliyyətinə görə İsmayıllı Dövlət Humanitar və Texnologiya Kollecinin Tələbə Gənclər Təşkilatı Gənclər və İdman naziri Azad Rəhimov və Azərbaycan Tələbə Gənclər Təşkilatları İttifaqı tərəfindən təltifləndirilmişdir. .

  • İsmayıllı Mədəniyyət və Turizm Nazirliyinin...

    İsmayıllı Mədəniyyət və Turizm Nazirliyinin yaradılmasının 10 illiyi fərqlənən tədbirlə qeyd edilib

    2016-01-30

    İsmayıllı rayon Mədəniyyət və Turizm şöbəsi Azərbaycan Respublikası Mədəniyyət və Turizm Nazirliynini yaranmasının 10 illiyini fərqlənən, orijinal bir tədbirlə qeyd etdi. Yeni yaradılmış “Gənc mədəniyyət işçilərinin koordinasiya-kreativ qrupu”nun təşkilatçılığı ilə Heydər Əliyev Mərkəzinin foyesində yerli rəssamların, bədii tərtibatçıların, qrafika ustalarının, xalq sənətkarlarının, xalçaçıların əsərlərindən, əl işlərindən ibarət zəngin sərgi düzəldilmişdi. İştirakçılar əvvəlcə hər tərəfi əhatə edən sərgiyə baxdılar. Tədbiri koordinasiya-kreativ qrupun üzvü, Heydər Əliyev Mərkəzinin əməkdaşı Qönçə Ağazadə açaraq tədbirin mahiyyətindən danışdı, mədəniyyət və turizm işçilərini təbrik etdi.

  • Şura iclası keçirilib

    Şura iclası keçirilib

    2016-01-30

    29 yanvar 2016-cı il tarixdə İsmayıllı Rayon İcra Hakimiyyəti başçısı yanında Şura iclası keçirilib. İclasda 2016-cı il büdcəsində rayonun abadlaşdırılması məqsədilə nəzərdə tutulmuş vəsaitdən istifadə istiqamətlərinin müəyyənləşdirilməsi və işin icrası zamanı ictimai nəzarətin təmin olunması, RIH başçısının İƏD üzrə nümayəndəliklərinin 2015-ci ildə gördüyü işlərə dair keçirilmiş hesabat yığıncaqlarının yekunları, icarəyə verilən ticarət sahələrinin qiymətlərinin mövcud qanunvericiliyə uyğunlaşdırılması və digər cari məsələlər müzakirə edilmişdir.

  • Binəqədi və İsmayıllı bələdiyyə şuralar...

    Binəqədi və İsmayıllı bələdiyyə şuraları arasında qarşılıqlı fəaliyyət proqramına dair niyyət protokolu imzalanıb

    2016-01-29

    Yanvarın 29-da İsmayıllı rayon Heydər Əliyev Mərkəzində Regionların 2014-2018-ci illərdə sosial-iqtisadi inkişafı Dövlət Proqramının icrası ilə əlaqədar olaraq Binəqədi rayonunun bələdiyyələri və İsmayıllı bələdiyyələri arasında qarşılıqlı fəaliyyət proqramına dair niyyət protokolu imzalanıb.

  • Qurbanəfəndi kəndinə təbii qaz verilmişdir

    Qurbanəfəndi kəndinə təbii qaz verilmişdir

    2016-01-28

    SOCAR-ın “Azəriqaz” İstehsalat Birliyi tərəfindən respublika ərazisində qaz təchizatı sisteminin yenidən qurulması, kənd və qəsəbələrin qazlaşdırılması istiqamətində görülən məqsədyönlü tədbirlərin davamı olaraq, yanvarın 28-də İsmayıllı rayonunun Qurbanəfəndi kəndinə təbii qaz verilmişdir. Bu münasibətlə keçirilmiş mərasimdə rayon icra hakimiyyətlərinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak etmişlər. İsmayıllı rayonunda keçirilmiş tədbirdə bildirilmişdir ki, 243 abonenti olan Qurbanəfəndi kəndinin yenidən qazlaşdırılması zamanı birpilləli sistem əsasında 12455 metr uzunluğunda müxtəlif diametrli metal borularla daşıyıcı və məhəllədaxili qaz xətləri çəkilmiş, hər bir abonent üçün ayrıca sayğac və fərdi tənzimləyici quraşdırılmışdır.

  • Kənd təsərrüfatı məhsullarının satış yar...

    Kənd təsərrüfatı məhsullarının satış yarmarkası keçirilib

    2016-01-23

    23 yanvar 2016-cı il tarixdə İsmayıllı şəhərində inşası başa çatdırılmış “Yaşıl Market” ticarət kompleksində növbəti kənd təsərrüfatı məhsullarının satış yarmarkası keçirilib. Yarmarkada fermerlər, kənd təsərrüfatı məhsulları istehsalçıları istehsal etdikləri bütün növ kənd təsərrüfatı məhsullarının satışını həyata keçiriblər. Əhaliyə təklif edilən məhsulların dəyəri bazar qiymətlərindən 25-30% aşağıdır.

  • İsmayıllı rayon İcra Hakimiyyətində iqtisadi...

    İsmayıllı rayon İcra Hakimiyyətində iqtisadi və sosial məsələlərin həllinə həsr olunmuş müşavirə keçirilmişdir

    2016-01-23

    Rayon İcra hakimiyyəti qiymətlərin tənzimlənməsində, böhranlı vəziyyətdən çıxmaqda, istehlak bazarında qayda yaradılmasında inzibati yolla getmir, iqtisadi tədbirlərə, istehsalın artımının təşkilinə, maarifləndirmə işinin aparılmasına daha çox üstünlük verir. 23 yanvar 2016-cı il tarixdə RİH-də “18 yanvar 2016-cı il tarixdə Azərbaycan Respublikasının Prezidenti İlham Əliyevin iqtisadi və sosial məsələlərin həlli ilə bağlı keçirdiyi müşavirə və rayonun iqtisadiyyat, maliyyə qurumları, icra strukturları, yerli özünüidarəetmə təşkilatları qarşısında duran vəzifələr” mövzusunda keçirilən geniş tərkibli müşavirə də məhz bu məqsədə xidmət edirdi.

əvvəlki [31] növbəti