Home Contact Phone
background
  • Ünvan: AZ 3100, İsmayıllı şəhəri, Heydər Əliyev pr. 51
  • Faks: (+994 2028) 5-12-47
  • E-mail: mail@ismayilli-ih.gov.az

Xəbərlər

  • Bağça fidanlarının yeni il tədbiri

    Bağça fidanlarının yeni il tədbiri

    2014-12-30

    30 dekabr 2014-cü il tarixdə İsmayıllı rayon Uşaq Kitabxanasında məktəbəqədər təhsil müəssisələrində təhsil alan uşaqlarla birgə Yeni il şənliyi təşkil olunmuşdur. Əvvəlcə uşaqlar Mərkəzi Meydanda qurulmuş yolka ətrafında şerlər söylədilər. Daha sonra isə tədbir uşaq kitabxanasında davam etdi.

  • İsmayıllıda bayram şənlikləri daha geniş mi...

    İsmayıllıda bayram şənlikləri daha geniş miqyas alır

    2014-12-29

    29 dekabr 2014-cü il tarixdə Heydər Əliyev adına Mərkəzi Meydanda qurulmuş 30 metrlik yolkanın ətrafında növbəti tədbir keçirildi. Tədbirdə rayonun çoxsaylı gəncləri, İsmayıllı Dövlət Humanitar və Texnologiyalar Kollecinin tələbələri, Peşə Tədris Mərkəzinin şagirdləri iştirak edirdilər. Onlar Azərbaycana, vətənə, orduya həsr olunmuş mahnılar, şən rəqslər ifa etdilər. Kollecin direktor əvəzi Sevda Qasımova və Peşə Tədris Mərkəzinin direktoru Zaur Muradov Dünya Azərbaycanlılarının həmrəyliyinin verdiyi arzuolunan bəhrələrdən, Yeni ilə İsmayıllının yeni uğurlarla gəlməsindən, bölgədə coşqun gənclik həyatının yaranmasından danışdılar.

  • Bədii gimnastların açıq dərsi-Bayram şənliy...

    Bədii gimnastların açıq dərsi-Bayram şənliyi

    2014-12-28

    Növbəti Yeni il şənliyi Regional Cüdo mərkəzində oldu. İlk növbədə 33 nəfər azyaşlı qızın iştirakı ilə Respublika Gimnastika Federasiyasının məşqçisi, İsmayıllı gimnastlarını hazırlayan Sultanə İbrahimzadə bədii gimnastika üzrə açıq dərs keçdi. Dərs Dünya Azərbaycanlılarının Həmrəyliyi Gününə və Yeni ilə həsr olunmuşdu.

  • Xeyir-şər evində  tədbir

    Xeyir-şər evində tədbir

    2014-12-27

    Dekabrın 27-də İsmayıllı Uşaq və Ailələrə Dəstək Mərkəzi, Rayon Gənclər və İdman idarəsinin təşkilatçılığı və “AccessBank” QSC-nin İsmayıllı rayon filialının maliyyə dəstəyi ilə xüsusi qayğıya ehtiyaclı uşaqlar üçün Dünya Azərbaycanlılarının Həmrəyliyi Günü və Yeni il bayramı ilə əlaqədar xeyir-şər evində tədbir keçirildi.

  • Yeni il münasibətilə kənd təsərrüfatı məh...

    Yeni il münasibətilə kənd təsərrüfatı məhsullarının satış yarmarkaları start götürdü

    2014-12-26

    Rayon İcra Hakimiyyətinin təşəbbüsü və təşkilatçılığı ilə keçirilən kənd təsərrüfatı məhsullarının satış yarmarkaları artıq rayonumuzda ənənəvi hal almışdır. Yeni ilin gəlişi münasibətilə keçiriləcək yarmarkalar 26 dekabr 2014-cü il tarixdən 31 dekabr 2014-cü il tarixədək davam etdiriləcəkdir. Bu gün keçirilmiş yarmarkada rayonun fermerləri, kənd təsərrüfatı məhsulları istehsalçıları, quşçuluq müəssisələrinin, eləcə də Nikitin adına kolxozun məhsulları satışa çıxarıldı.

  • Xüsusi qayğıya  ehtiyaclı uşaqlar üçün yen...

    Xüsusi qayğıya ehtiyaclı uşaqlar üçün yeni il şənliyi

    2014-12-26

    Dekabrın 26-da Ailə, Qadın və Uşaq Problemləri üzrə Dövlət Komitəsinin İsmayıllı Uşaq və Ailələrə Dəstək Mərkəzi “Finca” Bankın İsmayıllı şöbəsinin maliyyə dəstəyi ilə xüsusi qayğıya ehtiyaclı uşaqlar üçün Dünya Azərbaycanlılarının Həmrəyliyi Günü və Yeni il bayramı ilə əlaqədar Heydər Əliyev adına Mərkəzi Meydanda tədbir keçirdi.

  • “Səni tərənnüm edirəm mənim vətənim ,İl...

    “Səni tərənnüm edirəm mənim vətənim ,İlhamla irəli”

    2014-12-25

    24 dekabr 2014-cü il tarixdə Heydər Əliyev adına İsmayıllı Rayon Mədəniyyət Mərkəzində “Səni tərənnüm edirəm mənim vətənim ,İlhamla irəli” devizi altında tədbir keçirildi.

  • Bələdiyyə seçkiləri keçirildi

    Bələdiyyə seçkiləri keçirildi

    2014-12-24

    23 dekabr 2014-cü il tarixdə İsmayıllı rayonu üzrə 1 şəhər, 2 qəsəbə və 31 kənd bələdiyyəsi olmaqla 34 bələdiyyəyə üzvlərin seçilməsi ilə bağlı 86 saylı İsmayıllı DSK-nın 66, 87 saylı Ağsu-İsmayıllı DSK-nın isə 6 məntəqəsində seçki keçirildi. 298 bələdiyyə üzvlüyünə qarşı 755 nəfər namizədliyini irəli sürmüşdür. Saat 19:00-da seçkilər başa çatmış, ilkin nəticələr Mərkəzi Seçki Komissiyasının İnformasiya Mərkəzinin veb saytında (www.infocenter.gov.az) yerləşdirilmişdir.

  • Narkomaniyaya və narkotiklərin qeyri-qanuni döv...

    Narkomaniyaya və narkotiklərin qeyri-qanuni dövriyyəsinə qarşı mübarizə

    2014-12-22

    Dekabr ayının 22-də İsmayıllı Peşə Tədris Mərkəzində “Narkomaniyaya və narkotiklərin qeyri-qanuni dövriyyəsinə qarşı mübarizə” mövzusuna həsr olunan tədbir keçirildi.

  • Ulu Öndər Heydər Əliyev irsinin daha dərində...

    Ulu Öndər Heydər Əliyev irsinin daha dərindən öyrənilməsi məqsədilə növbəti açıq dərs keçirildi

    2014-12-18

    Dekabr ayının 18-də İsmayıllı Rayon Heydər Əliyev Mərkəzində rayonun Quşencə, Kürdmaşı, Aşıqbayramlı kənd məktəblərinin şagirdlərinin iştirakı ilə Ulu Öndər Heydər Əliyev irsinin daha dərindən öyrənilməsi məqsədilə növbəti açıq dərs keçirildi. İlk öncə şagirdlər Heydər Əliyev Mərkəzində Ümummilli liderin həyatının və çoxşaxəli dövlətçilik fəaliyyətinin müxtəlif dövrlərini əks etdirən fotoşəkillərlə tanış oldular. Sonra dahi lider haqqında film nümayiş etdirildi.

  • Ağac əkini davam edir

    Ağac əkini davam edir

    2014-12-13

    Ümummilli lider Heydər Əliyevin anım günü, eləcə də “İDEA” İctimai Birliyi tərəfindən həyata keçirilən I “Ümumrespublika Yaşıllaşdırma” marafonu çərçivəsində gün ərzində rayonda fəaliyyət göstərən idarə və təşkilatlar tərəfindən İsmayıllı-Muğanlı avtomobil yolunun kənarında, şəhər və bələdiyyə ərazilərində 1000 ədəd akasiya, ağcaqayın, göyrüş ağacları əkildi.

  • Seminar-müşavirə keçirilmişdir

    Seminar-müşavirə keçirilmişdir

    2014-12-13

    Dekabrın 13-də Heydər Əliyev Mərkəzinin iclas zalında RİH-nin Əİ və YÖİO ilə iş şöbəsinin təşkilatçılığı ilə İƏD üzrə nümayəndələrin müavinləri üçün nümayəndəliklərdə təsərrüfatbaşına uçot kitablarının təlimata uyğun aparılması mövzusunda seminar–müşavirə keçirilmişdir. RİH-nin Əİ və YÖİO ilə iş şöbəsinin müdiri R.Səmədov seminar-müşavirəni giriş sözü ilə açaraq gündəlikdə duran məsələ ilə onları tanış etdi. O, qeyd etdi ki, İƏD-də təsərrüfatbaşına uçotun aparılması barədə təlimatın nümayəndəliklərdə çalışan işçilər, xüsusilə də nümayəndələrin müavinləri tərəfindən öyrənilməsi məqsədi ilə dəfələrlə Rayon İcra Hakimiyyətinin müvafiq şöbəsi tərəfindən treninqlərin, seminar-müşavirələrin təşkil edilməsinə baxmayaraq yenə də bu sahədə çatışmazlıqlar qalmaqdadır.

  • Lahıc qəsəbəsində səyyar görüş-qəbul ke...

    Lahıc qəsəbəsində səyyar görüş-qəbul keçirilmişdir

    2014-12-13

    Lahıc qəsəbəsində sosial problemlərin həlli istiqamətində görüləcək tədbirlərlə bağlı RİH başçısı Mirdaməd Sadıqovun sakinlərlə görüşü keçirilib. Kənd sakinləri ilə görüşdə Rayon İcra Hakimiyyətinin başçısı ilə yanaşı idarə və müəssisələrinin rəhbərləri də iştirak ediblər. Görüşdə kəndin bir sıra sosial-iqtisadi problemləri diqqət mərkəzində olub. Qəsəbə sakinləri rayonda görülən quruculuq-abadlıq işlərindən razılıq ediblər.

  • İsmayıllıda Ümummilli lider Heydər Əliyevin ...

    İsmayıllıda Ümummilli lider Heydər Əliyevin anım günü çoxsaylı tədbirlərlə qeyd olundu

    2014-12-12

    12 dekabr saat 9-dan başlayaraq ulu öndərin sevdiyi, ona həsr olunmuş mahnı və şeirlər səslənmiş, bütün şəhər sakinləri Heydər Əliyevin abidəsi önünə gül dəstələri qoymuş, müqəddəs ruhunu ehtiramla yad etmişlər. Anım mərasiminin bu mərhələsindən sonra Heydər Əliyev Mərkəzində “Heydər Əliyev İdarəetmə Məktəbi”nin 120 nəfər dinləyicisinin iştirakı ilə “Heydər Əliyev tarixi və fenomen şəxsiyyətdir” mövzusunda konfrans keçirilmişdir.

  • Heydər Əliyev irsinin daha dərindən öyrənilm...

    Heydər Əliyev irsinin daha dərindən öyrənilməsi məqsədilə açıq dərslər davam edir.

    2014-12-12

    İsmayıllı rayonunda Heydər Əliyev Mərkəzində rayonun ümumtəhsil məktəblərinin XI sinif şagirdləri üçün müstəqil Azərbaycanın memarı və qurucusu, ulu öndər Heydər Əliyev irsinin daha dərindən öyrənilməsi məqsədilə açıq dərslər davam edir.

  • İsmayıllı Rayon Təhsil Şöbəsində Azərbayc...

    İsmayıllı Rayon Təhsil Şöbəsində Azərbaycan xalqının ümummilli lideri Heydər Əliyevin anım günü ilə bağlı tədbir keçirilib.

    2014-12-12

    11 dekabr 2014-cü il tarixdə İsmayıllı Rayon Təhsil Şöbəsində Azərbaycan xalqının ümummilli lideri Heydər Əliyevin anım günü ilə bağlı tədbir keçirilib. Tədbirdən öncə ümumilli liderin abidəsi önünə tər çiçək dəstələri qoyulub.

  • Qalınçaq kəndində kredit yarmarkası keçirild...

    Qalınçaq kəndində kredit yarmarkası keçirildi

    2014-12-11

    11 dekabr 2014-cü il tarixdə rayonun Qalınçaq kəndində Azərbaycan Respublikası İqtisadiyyat və Sənaye Nazirliyinin Sahibkarlığa Kömək Milli Fondunun xətti ilə kredit yarmarkası keçirildi.

  • Ümummilli liderin xatirəsinə həsr  olunmuş fu...

    Ümummilli liderin xatirəsinə həsr olunmuş futbol turniri başa çatdı

    2014-12-11

    İsmayıllı Rayon Gənclər və İdman idarəsinin Rayon Futbol və Futzal Federasiyası filiallarının birgə təşkilatçılığı ilə gənclər və kişilər arasında ümummilli lider Heydər Əliyevin xatirəsinə həsr olunmuş futbol turniri keçirilmişdir. 24 komandanın iştirakı ilə keçirilən oyunlar iki gün davam etmişdir.

  • Ümummilli liderin xatirəsinə həsr olumuş     ...

    Ümummilli liderin xatirəsinə həsr olumuş mini futbol turniri keçirilmişdir

    2014-12-10

    10 dekabr 2014-cü il tarixdə İsmayıllı Olimpiya İdman kompleksində Rayon Gənclər və İdman idarəsi, rayon Futbol Federasiyası ilə birgə Ulu öndər Heydər Əliyevin xatirəsinə həsr olunmuş mini futbol üzrə rayon turnirinə start vermişdir. Turnirdə rayon hüquq mühafizə orqanlarının, idarə, müəssisə və təşkilatların, sahibkarların, həmçinin bələdiyyələrin 24 komandası iştirak edir.

  • Ümumdünya İnsan Hüquqları günü  qeyd edildi...

    Ümumdünya İnsan Hüquqları günü qeyd edildi.

    2014-12-10

    10 dekabr Ümumdünya İnsan Hüquqları günü rayon təhsil şöbəsinin akt zalında 130 nəfər gənc seçicinin - ilk dəfə səs verənin iştirakı ilə qeyd edildi.

  • İsmayıllı rayon mərkəzi xəstəxanasında an...

    İsmayıllı rayon mərkəzi xəstəxanasında anım günü qeyd edildi.

    2014-12-10

    İsmayıllının müxtəlif təşkilatlarında, ümumi və tam orta məktəblərdə , inzibati ərazi dairələrində ümummilli lider Heydər Əliyevin anım günü ilə əlaqədar ardıcıl və sistemli tədbirlər keçirilir. Belə tədbirlərdən biri də 10 dekabır 2014-cü il tarixdə rayon mərkəzi xəstəxanasında olmuşdur.

  • YAP Qadınlar Şurasının sədri Nurlana Əliyeva...

    YAP Qadınlar Şurasının sədri Nurlana Əliyeva ilə rayon ictimaiyyəti fəallarının görüşü keçirildi.

    2014-12-10

    10 dekabrda İsmayıllı Rayon İcra hakimiyyətinin akt zalında respublika YAP Qadınlar Şurasının sədri Nurlana Əliyeva ilə rayon ictimaiyyəti fəallarının görüşü keçirildi. Tədbirdə RİH-nin başçısı Mirdaməd Sadıqov, YAP Yasamal rayon Qadınlar Şurasının sədri Tamilla Şahbazova , RİHB-nin müavinləri, hüquq mühafizə orqanlarının rəhbərləri də iştirak edirdilər.

  • Sahibkarlar üçün treninq

    Sahibkarlar üçün treninq

    2014-12-09

    09 dekabr 2014-cü il tarixdə Rayon Təhsil şöbəsinin akt zalında “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın Tədbirlər Planına və Bakı Biznes Tədris Mərkəzinin iş planına uyğun olaraq rayonda fəaliyyət göstərən kiçik və orta sahibkarlar üçün “Kənd təsərrüfatında sahibkarlıq fəaliyyətinin sığortalanması”, “Sənayedə brendləşmə” və “İqtisadiyyat və Sənaye Nazirliyi tərəfindən göstərilən elektron xidmətlər” mövzusunda maarifləndirici treninq keçirildi.

  • Ulu öndərin xatirəsi anılıb

    Ulu öndərin xatirəsi anılıb

    2014-12-09

    İsmayıllı Poçt Filialının və İsmayıllı Telekommunikasiya Qovşağının birgə təşkilatçılığı ilə dekabr ayının 9-da ulu öndər Heydər Əliyevin anım günü ilə əlaqədar tədbir keçirilib. Ümummilli liderin xatirəsi bir dəqiqəlik sükutla yad edilib. İsmayıllı poçt filialının rəisi Söhbət Pənahov çıxış edərək Dahi rəhbərin çoxşaxəli fəaliyyətindən söz açıb: - 60-cı illərdə respublikamız rabitə sahəsində digər respublikalardan geri qalırdı. Heydər Əliyev Azərbaycana rəhbərlik etməyə başladıqdan sonra bütün sahələrdə olduğu kimi rabitə də inkişaf yoluna başladı.

  • Məktəbəqədər təhsil müəssisələrində sem...

    Məktəbəqədər təhsil müəssisələrində seminar müşavirə keçirilmişdir

    2014-12-09

    09 dekabr 2014-cü il tarixdə şəhər 1 saylı körpələr evi uşaq bağçasında “Məktəbəqədər təhsil müəssisələrində valideynlərlə işin təşkili" mövzusunda seminar müşavirə keçirilmişdir. Tədbirdə Rayon İcra Hakimiyyətinin, Rayon Təhsil şöbəsinin nümayəndələri və rayonda fəaliyyət göstərən məktəbəqədər təhsil müəssisələrinin müdir və tərbiyəçiləri iştirak edirdilər.

əvvəlki [43] növbəti