Home Contact Phone
background
  • Ünvan: AZ 3100, İsmayıllı şəhəri, Heydər Əliyev pr. 51
  • Faks: (+994 2028) 5-12-47
  • E-mail: mail@ismayilli-ih.gov.az

Xəbərlər

  • Yuxarı Cülyan və Müdrü kəndlərində qəbul

    Yuxarı Cülyan və Müdrü kəndlərində qəbul

    2014-08-23

    22 avqust 2014-cü il tarixdə Yuxarı cülyan və Müdrü kəndlərində səyyar qəbul keçirildi. Qəbulda kəndlərin mövcud vəziyyəti və bundan sonra onların inkişaf etdirilməsi, orada olan problemlərin aradan qaldırılması yolları haqqında fikir mübadiləsi aparıldı. Eləcə də ətraf kəndlərdən vətəndaşlar da qəbul edildi və onların müraciətləri dinlənildi.

  • “Sağlam həyat naminə- erkən nikaha yox de!...

    “Sağlam həyat naminə- erkən nikaha yox de!”

    2014-08-22

    Azərbaycan Respublikasının Ailə, Qadın və Uşaq Problemləri üzrə Dövlət Komitəsi tərəfindən əhalinin, xüsusilə gənclərin milli-mənəvi ruhda tərbiyəsi və sağlam həyat tərzinin təbliği məqsədilə mütəmadi olaraq maarifləndirmə tədbirləri həyata keçirilir. Belə tədbirlərdən biri 22 avqust 2014-cü il tarixdə İsmayıllı rayonunda reallaşdı. “Sağlam həyat naminə-Erkən nikaha yox de!” layihəsi ilə bağlı maarifləndirici seminarın keçirilməsi üçün məkan Heydər Əliyev Mərkəzi seçilmişdi.

  • İsmayıllı gəncləri şəhid məzarlarını ziy...

    İsmayıllı gəncləri şəhid məzarlarını ziyarət etdi

    2014-08-19

    19 avqust 2014-cü il tarixdə İsmayıllı rayon Gənclər və İdman idarəsi, YAP Gənclər Birliyi və fəal gənclərlə birlikdə rayonun müxtəlif ərazilərində yerləşən şəhid məzarlarını ziyarət etmiş və məzarların ətrafında təmizlik işləri aparmışdır. Təşkilatçılar bildiriblər ki, bundan sonra mütamadi olaraq fəal gənclərlə birlikdə şəhid məzarlarının ətrafının təmizliyinə diqqət yetiriləcəkdir, həmçinin yaxın vaxtlarda rayonun kəndlərində olan şəhid məzarlarını da ziyarət edib və ətraflarında təmizlik işləri aparacaqlar.

  • Mərasimlər milli-mənəvi və dini dəyərlərə...

    Mərasimlər milli-mənəvi və dini dəyərlərə uyğun olmalıdır

    2014-08-19

    19 avqust 2014-cü il tarixdə rayon ictimaiyyəti nümayəndələrinin, dini icma sədrlərinin, axund və imamların, dini ayinlərin icraçılarının, yerli İƏD-lər üzrə icra nümayəndələrinin iştirakı ilə Heydər Əliyev Mərkəzində toplantı keçirilib. Rayon İcra Hakimiyyətinin başçısı Mirdaməd Sadıqov Respublikamızda dövlət-din münasibətlərinin başqa ölkələr üçün nümunə olacaq səviyyədə formalaşmasından, Azərbaycanın dünya ölkələri üçün tolerantlıq modeli olduğundan, mərasimlərimizin milli-mənəvi-mədəni və dini dəyərlərə uyğun keçirilməsinin vacibliyindən ətraflı danışıb.

  • Koreya gəncləri İsmayıllıda

    Koreya gəncləri İsmayıllıda

    2014-08-18

    Azərbaycan Respublikasının Gənclər və İdman Nazirliyi və Koreya Respublikasının Milli Gənclər Komissiyası arasında gənclər sahəsində əməkdaşlıq haqqında Anlaşma Memorandumuna əsasən Koreya gənclərindən ibarət nümayəndə heyəti 16-17 avqust 2014-cü il tarixlərdə İsmayıllı rayonunda oldular. Qonaqları Heydər Əliyev mərkəzində rayon icra hakimiyyəti başçısının müavini Sevil Əhmədova və İsmayıllı rayon Gənclər və İdman İdarəsinin rəisi Taleh Salehov qarşıladılar.

  • Oğuz rayonunda Açıq Əyləncəli Futbol Məktə...

    Oğuz rayonunda Açıq Əyləncəli Futbol Məktəbi layihəsinin 3 günlük seminarı keçirilmişdir

    2014-08-18

    14-16 avqust tarixlərində Oğuz rayonunun mərkəzində yerləşən 5 ulduzlu Afra Hoteldə AFFA-nin Açıq Əyləncəli Futbol Məktəbi (Open Fun Football School) layihəsinin 3 günlük seminar proqramı keçirilmişdir. Proqrama Azərbaycanin bütün bölgələrindən və rayonlarından fiziki tərbiyyə və futbol muəllimləri, eləcə də idmansəvər fəal gənclər dəvət olunmuşdu. Layihə ərzində onların həm nəzəri həm də praktiki bilgilərinin artırılması tədbirləri və bir sıra idman xarakterli maarifləndirici tədbirlər həyata keçirilmişdir.

  • “5 avqust 1969-cu il plenumu”na həsr olunmuş...

    “5 avqust 1969-cu il plenumu”na həsr olunmuş tədbir

    2014-08-15

    “Heydər Əliyev İdarəetmə Məktəbi”nin növbəti məşğələsi “Azərbaycan KP MK-nın 5 avqust 1969-cu il plenumu və onun tarixi əhəmiyyəti” adlı məsələyə həsr olunmuşdu. Rayon Mərkəzi Xəstəxanası baş həkiminin müavini, ictimai fəallığı ilə seçilən ziyalı İsrayıl İsmayılov məruzə etdi.

  • 12 Avqust Beynəlxalq Gənclər günü

    12 Avqust Beynəlxalq Gənclər günü

    2014-08-13

    12 Avqust Beynəlxalq Gənclər günü münasibətilə İsmayılıı rayon Gənclər və İdman İdarəsi rayonun ictimai siyasi həyatinda fəal istirak edən gənclərlə birlikdə Heydər Əliyev adına istirahət parkında açıq hava şəraitində toplaşaraq tədbir keçirmişdir.

  • Kəndlərdə də İntellektual oyunlara maraq art...

    Kəndlərdə də İntellektual oyunlara maraq artır

    2014-08-09

    İsmayıllı rayon Gənclər və İdman İdarəsi və İsmayıllı İntellektual Oyunlar Klubunun birgə təşkilatçılığı ilə 08.08.2014 tarixində Kürdmaşı kəndində "Xəmsə" milli intellektual oyunu keçirilmişdir. Oyunun əsas məqsədi gənclərin maarifləndirilməsi, kəndlərdə gənclərin asudə vaxtının səmərəli təşkil edilməsi və son zamanlar cəbhədə baş verən hadisələrlə bağlı əsgərlərimizə dəstək olmaq idi. Komandalara əsasən işğal altında olan rayonların adları qoyulmuşdu.

  • Basqal qəsəbəsində  səyyar qəbul keçirilib

    Basqal qəsəbəsində səyyar qəbul keçirilib

    2014-08-06

    İsmayıllı Rayon İcra Hakimiyyətinin başçısı Mirdaməd Sadıqov Basqal qəsəbəsində səyyar qəbul keçirib.

  • Meşələrdən istifadə, onların mühafizəsi, b...

    Meşələrdən istifadə, onların mühafizəsi, bərpası və qorunması ilə əlaqədar toplantı

    2014-08-05

    04 avqust 2014-cü il tarixində Heydər Əliyev Mərkəzində Rayon İcra Hakimiyyətinin təşəbbüsü ilə Meşələrdən istifadə, onların mühafizəsi, bərpası və qorunması ilə əlaqədar qanunvericiliyin həyata keçirilməsinə nəzarətin gücləndirilməsi, qanunsuz meşə qırıntılarının qarşısının alınması, meşə yanğınlarının baş vermə səbəblərinin aradan qaldırılması, magistral yolların yaxınlığındakı taxıl sahələrinin kənarlarının şumlanmasının başa çatdırılması, özbaşına taxıl sahələrini yandıranlar haqqında qanunamüvafiq tədbirlərin həyata keçirilməsi ilə əlaqədar geniş toplantı keçirilmişdir.

  • Ustad xalçaçının 95 illiyi

    Ustad xalçaçının 95 illiyi

    2014-08-02

    Gülgəz Seyfalıyeva 1919-cu ildə Qalacıq kəndində dünyaya gəldi, kiçik yaşlarından xalq toxuculuq sənətinin incilərindən olan xalçaçılığa meyl saldı, incə sənəti anasından öyrəndi. Ailə qurmaq yaşına yetəndə həmkəndlisi Daşdəmirə könül verdi. İki qəlbdə yuva salan bir saf məhəbbətin nəticəsi olaraq bir oğul, iki qız dünyaya gəldi.

  • “Təmiz şəhərdə yaşa”  devizi altında ...

    “Təmiz şəhərdə yaşa” devizi altında “Gələcək öz əlimizdədir” layihəsi

    2014-08-02

    Ölkəmizdə bütün istiqamətlərdə aparılan uğurlu islahatlar çərçivəsində həyata keçirilən tədbirlər nəticəsində yaşayış məntəqələri abadlaşır, yeni yollar salınır, sosial infrastruktur yenidən qurulur ki, görülən bütün tədbirlər əhalinin həyat səviyyəsinin yaxşılaşdırılmasına yönəldilmişdir. Yaradılan sosial infrastrukturun saxlanması, sanitar vəziyyətin yaxşılaşdırılması üçün Dövlət tərəfindən mütəmadi olaraq köməklik göstərilir, kommunal təsərrüfatının maddi texniki bazasının gücləndirilməsi üçün əvəzsiz olaraq nəqliyyat vasitələri, avadanlıqlar ayrılır, inkişaf etmiş ölkələrin qabaqcıl təcrübəsinin öyrənilməsi məqsədilə səfərlər təşkil edilir.

  • Binəqədi gəncləri İsmayıllıda

    Binəqədi gəncləri İsmayıllıda

    2014-08-02

    02.08.2014-cü il tarixdə Binəqədi gəncləri İsmayıllı rayonuna səfərə gəlmişlər. Gənclərlə birgə Binəqədi YAP rayon təşkilatının sədri Ramiz Göyüşov, Gənclər və İdman idarəsinin rəisi Qüdsi Bayramov və Binəqədi YAP RT-nın aparat rəhbəri Qabil Qafarov gənclərin səfərinə rəhbərlik etmişlər. Nümayəndə heyətinə 45 nəfər gənc daxil edilmişdir. İsmayıllı tərəfindən qonaqları İsmayıllı rayon İcra Hakimiyyəti başçısının I müavini Rövşən Ağayev, Gənclər və İdman idarəsinin rəisi Taleh Salehov, İsmayıllı YAP-nın RT-nın aparat rəhbəri Anar Nəbiyev, İsmayıllı rayon İcra Hakimiyyətinin əməkdaşları və rayonun fəal gəncləri qarşılamışlar.

  • Qol güləşi üzrə rayon birinciliyi.

    Qol güləşi üzrə rayon birinciliyi.

    2014-08-01

    Rayon gənclər və idman idarəsinin, “Gənclər Antinarkomaniya” ictimai birliyinin və Qol güləşi federasiyasının təşkilatçılığı ilə 01 avqust 2014-cü il tarixdə açıq rayon birinciliyi keçirilmişdir. İsmayıllı, Qəbələ, Şəki və Şamaxı rayonlarından Bakı və Sumqayıt şəhərlərindən 100-ə qədər idmançı yarışa qatılmışdı. I-II və II yer tutanlara medal və kuboklar verilmişdir.

  • Xeyirxahlıq atalardan qalıb

    Xeyirxahlıq atalardan qalıb

    2014-07-30

    Ulularımız, ata-babalarımız yol açmağı, su çəkməyi, ev tikməyi ən müqəddəs borc, ən savab is biliblər. Çünki, su həyat, yol mədəniyyət, ev beşikdir. Sözümün canı var. Keçən ilin noyabr ayında İsmayıllı rayonunun Basqal, Tağlabiyan və Kəlfərəc kəndlərinin əhalisi yuxudan oyananda bir də gördülər ki, Basqaldan başlayaraq neçə-neçə maşın-mexanizm, mühəndis, mexanizator və yolçəkən başlayıblar bu dağ kəndlərinə yol çəkməyə. Hamını təəccüb bürüdü. Axı, nə 70 illik Sovet dövründə, nə də 20 illik müstəqillik zamanında nəinki bu yollara asfalt çəkən hətta ildə 5-6 maşın daş-kəsək tökən də olmamışdı. Kənd əhalisinin elə gözləri yoldaydı ki, haçan bu bərbad yollara bir əncam çəkən olacaq.

  • İsmayıllı gəncləri vəzifələrini bir daha d...

    İsmayıllı gəncləri vəzifələrini bir daha dəqiqləşdirirlər.

    2014-07-25

    Heydər Əliyev Mərkəzinin böyük konfrans zalı 25 iyul 2014-cü il tarixdə gənclərin ixtiyarına verilmişdi. Burada Azərbaycan gənclərinin VII forumunun nəticələrinə və Azərbaycan Respublikası Gənclər və İdman Nazirliyinin yaranmasının 20 illiyinə həsr olunmuş toplantı keçirilməli idi. Toplantıdan əvvəl iştirakçılar “Tikilən, qurulan, yeniləşən İsmayıllıda gənclərin iştirakı,” “İsmayıllı gəncləri inkişaf və yüksəliş yollarında” mövzuları üzrə hazırlanmış qısa videofilmlərə baxdılar. Sonra mövzu ətrafında rayon gənclər və idman idarəsinin rəisi Taleh Salehov məruzə etdi.

  • Təbrik edirik

    Təbrik edirik

    2014-07-24

    Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) və Azərbaycan Mətbuat Şurasının təşkilatçılığı ilə Azərbaycan Milli Mətbuatının yaranmasının 139 illiyi ilə əlaqədar fərdi jurnalist yazılarının müsabiqəsi keçirilib. Müsabiqə 10 istiqamət üzrə keçirilib. “İsmayıllı xəbərləri” qəzetinin ictimai müxbiri Bəhərçinli Çinarə Həsən qızı “Qaçqın və məcburi köçkünlərin, əhalinin sosial cəhətdən qayğıya ehtiyacı olan təbəqələrinin problemlərinin həlli ilə bağlı həyata keçirilən tədbirlərin işıqlandırılması” istiqaməti üzrə qalib olub. Çinarəni təbrik edirik, daha böyük nailiyyətlər arzulayırıq.

  • İsmayıllıda  Milli Mətbuat Günü qeyd olundu

    İsmayıllıda Milli Mətbuat Günü qeyd olundu

    2014-07-22

    22 iyul Azərbaycanda Milli Mətbuat Günü kimi qeyd olunur. 1875-ci ildə “Əkinçi” qəzeti ilə əsası qoyulan Azərbaycan Milli Mətbuatı bütün dövrlərdə həqiqət carçısı olmuş, xalqımızın maarifləndirilməsində, milli və bəşəri dəyərlərin təbliğində mühüm rol oynamışdır.

  • Şahmat Olimpiadası başa çatdı

    Şahmat Olimpiadası başa çatdı

    2014-07-22

    16 yaşlı uşaqlar arasında keçirilən və 12 iyuldan start götürən Respublika Şahmat Olimpiadası 22 iyul 20414-cü il tarixdə başa çatdı. Bu münasibətlə Olimpiya İdman Kompleksində təntənəli tədbir keçirildi. İsmayıllı Rayon İcra Hakimiyyətinin başçısı Mirdaməd Sadıqov, Prezident Administrasiyasının məsul işçisi Niyaz Əliyev, Respublika Şahmat Federasiyasının vitse-prezidenti Faiq Həsənov tədbirdə iştirak edirdilər. Çoxsaylı qonaqlar, tamaşaçılar təntənəli bağlanış tədbirini izləyirdilər.

  • Bələdiyyələr hesabat verir.

    Bələdiyyələr hesabat verir.

    2014-07-21

    11 iyul 2014-cü il tarixindən etibarən İsmayıllı rayonu üzrə şəhər, qəsəbə və kənd bələdiyyələrinin 2014-cü ilinin birinci yarımilinin yekunları ilə əlaqədar hesabat yığıncaqlarının keçirilir. Bələdiyyələrin hesabat yığıncaqlarını 30 iyul 2014-cü il tarixinədək yekunlaşması planlaşdırılmışdır. 19 iyul 2014-cü il tarixinədək rayonun Lahıc qəsəbə, Cülyan-Müdrü, Əhən, Brovdal, Diyallı, Aşıqbayramlı, Sumağallı, Zərnava, Sulut, Basqal, Tağlabiyan, Tircan, Keyvəndi və Qoşakənd bələdiyyə sədrlərinin seçicilər qarşısında hesabatları dinlənilmişdir. Hesabat yığıncaqlarında bələdiyyə sədrləri 6 ay ərzində gördükləri işlər, həyata keçirdikləri layihələr, qarşıda duran vəzifələr barədə hesabat vermişlər.

  • İsmayıllılar sürətli və dinamik inkişaf yol...

    İsmayıllılar sürətli və dinamik inkişaf yollarında

    2014-07-18

    2014-cü ilin birinci yarsının sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirilmişdir.

  • Şahmat Olimpiadasının iştirakçıları Lahıcd...

    Şahmat Olimpiadasının iştirakçıları Lahıcda

    2014-07-18

    16 yaşlı uşaqlar arasında Respublika Şahmat Olimpiadasının İsmayıllı Olimpiya İdman Kompleksində keçirildiyi barədə məlumat verilmişdi. Şahmatçılar yalnız yarışla kifayətlənmir, rayonda tarixi yerləri, zəngin təbiəti, burada gedən abadlıq-quruculuq, yeniləşmə işləri ilə də yaxından tanış olurlar. Rayon İcra Hakimiyyətinin rəhbərliyi hər gün 2 avtobus ayırır və maraqlananları qədim Lahıca ekskursiyaya göndərir. Maraqlanan qonaqlar isə çox-çoxdur.

  • Təlim və resurs mərkəzi seminar keçirdi

    Təlim və resurs mərkəzi seminar keçirdi

    2014-07-18

    Azərbaycan Respublikası Prezidentinin 2008-ci il 15 sentyabr tarixli 3043 nömrəli Sərəncamı ilə təsdiq edilmiş “2008-2015-ci illərdə Azərbaycan Respublikasında yoxsulluğun azadılması və davamlı inkişaf Dövlət Proqramı”nın həyata keçirilməsi üzrə Tədbirlər Planının ( 2011-2015-ci illər)” təsdiq edilməsi haqqında Azərbaycan Respublikası Prezdentinin 28 iyun 2011-ci il tarixli 1578 nömrəli Sərəncamında bir sıra məsələlərin həlli Azərbaycan Respublikasının Qeyri- Hökümət Təşkilatlarına Dövlət Dəstəyi Şurasının üzərinə vəzifə olaraq qoyulmuşdur. Həmin məsələlər sırasına QHT-lərin müsbət təcrübəsinin yayılması və region QHT-lərin inkişaf etdirilməsi kimi müddəalar daxildir. Bu proqramla bağlı olaraq 18 iyul 2014-cü il Heydər Əliyev Mərkəzində seminar keçirilmişdir.

  • Rayon İcra Hakimiyyəti təkzib edir

    Rayon İcra Hakimiyyəti təkzib edir

    2014-07-17

    17 iyul 2014-cü il tarixdə bəzi elektron xəbər portallarında İsmayıllı rayonu ilə bağlı “Direktorun şagirdinə təcavüzü: əhali ayağa qalxdı–Şok” və s. başlıqlarla gedən yazılarla əlaqədar olaraq bildiririk ki, İsmayıllı rayonunda 30 saylı məktəb yoxdur və həmin məktəb Ağdam rayon Təhsil şöbəsinə aiddir. Xəbərdə qeyd olunan qız isə məktəbli deyil, 1995-ci il təvəllüdlüdür və məktəbi 2013-cü ildə bitirmişdir. Məsələ ilə bağlı Kürdmaşı kənd İƏD üzrə nümayəndəliyinə müraciət edilmiş və hadisənin doğruluğu öz əksini tapmamışdır. Həmçinin 16 iyul 2014-cü il tarixində 200 nəfərə yaxın kənd sakininin Rayon İcra Hakimiyyətinə müraciət etməsi fikri də həqiqətə uyğun deyildir.

əvvəlki [48] növbəti