Akademik Zərifə xanım Əliyevanın anadan olmasının 91-ci il dönümü qeyd edilmişdir.
Aprelin 28 –də Rayon İcra Hakimiyyəti tərəfindən Heyder Əliyev mərkəzində akademik Zərifə xanım Əliyevanın anadan olmasının 91 ildönümünə həsr olunmuş tədbir keçrilmişdir.
Tədbiri giriş sözü ilə Rayon İcra Hakimiyyəti başçısının müavini, ictimai siyasi və humanitar məsələlər şöbəsinin müdürü Sevil Əhmədova açmışdır.Sonra oftolmoloq alim Zərifə xanım Əliyevanın həyat və fəaliyyətinə həsr olunmuş film nümayiş etdirilmişdir.
Zərifə xanım Əliyevanın həyat və fəaliyyəti haqqında Rayon Mərkəzi Xəstəxanasının baş həkimi Avtandil Rəhimov geniş məruzə ilə çıxış etmişdir.Məruzə ətrafında Uşaq və Ailələrə dəstək mərkəzinin direktoru Lətifə Əliyeva, incəsənət məktəbinin müəllimi Ceyran Məmmədova, İvanovka kənd İnzibati Ərazi Dairəsi üzrə nümayəndə Olqa Jabina cıxış etmiş, görkəmli alimin həyat və fəaliyyətinin müxtəlif məqamları barədə məlumat vermiş, xatirələrini söyləmişlər. Tədbirdə məktəblilər ana, vətən, qadın və həkim haqqında şeirlər söyləmiş, müğəni Piralı Şıxiyev Zərifə Əliyevaya həsr olunmuş “Ana” mahnısını ifa etmişdir.
