Soltankənd kənd tam orta məktəbində yubiley tədbiri
5 may 2014-cü il tarixdə Soltankənd kənd tam orta məktəbində, Yeni Azərbaycan Partiyası İsmayıllı rayon təşkilatının sədri Əzizə Vahabovanın iştirakı ilə Müstəqil Azərbaycan Dövlətinin qurucusu, ümummulli liderimiz Heydər Əliyevin anadan olmasının 91 illiyi münasibətilə tədbir keçirilib.
Tədbirdə Əzizə Vahabova, məktəbin direktoru Sabir Məhərrəmov, kənd icra nümayəndəsi Şahin Musayev çıxış edərək Ulu öndərin keçdiyi həyat yolundan, onun Azərbaycan dövlətini dünyada necə tanıtdığından, dövlətin və xalqın yüksəlişi üçün verdiyi əməkdən, həmişə fəxr edə biləcəyimiz bir dahi şəxsiyyət olduğundan danışıblar. Çıxış edən natiqlər bildiriblər ki, Ulu öndər Azərbaycan dövləti qarşısında öz borcunu layiqincə vermişdir. Bu gün isə bizim borcumuz Ulu öndərin dövlətçilik siyasətini, onun qoyduğu siyasi yolu uğurla davam və inkişaf etdirən hörmətli prezidentimiz İlham Əliyevə xalq olaraq daim dəstək və dayaq olmaqdır.
Tədbirin sonunda məktəblilər Ulu öndərin şərəfinə və vətənpərvərlik mövzusunda yazılmış şerlər səsləndiriblər