Xüsusi qayğıya ehtiyaclı uşaqlar üçün yeni il şənliyi
Dekabrın 26-da Ailə, Qadın və Uşaq Problemləri üzrə Dövlət Komitəsinin İsmayıllı Uşaq və Ailələrə Dəstək Mərkəzi “Finca” Bankın İsmayıllı şöbəsinin maliyyə dəstəyi ilə xüsusi qayğıya ehtiyaclı uşaqlar üçün Dünya Azərbaycanlılarının Həmrəyliyi Günü və Yeni il bayramı ilə əlaqədar Heydər Əliyev adına Mərkəzi Meydanda tədbir keçirdi.
Tədbirdə İsmayıllı Rayon İcra Hakimiyyəti başçısının müavini Sevil Əhmədova, İsmayıllı Uşaq və Ailələrə Dəstək Mərkəzinin direktoru Lətifə Əliyeva, “Finca” Bankın İsmayıllı filialının rəhbəri Novruz Varəngi çıxış edərək qayğıya ehtiyacı olan uşaqları bayramlar münasibətilə təbrik etdilər, onlara ən xoş arzularını çatdırdılar.
Şəhər 1, 2 saylı uşaq bağçalarının və Rayon İncəsənət məktəbinin şagirdləri rəqs nömrələri ilə çıxış etdilər.
Tədbirin sonunda xüsusi qayğıya ehtiyacı olan uşaqlara yeni il sovqatları təqdim olundu.
