Yüksək nəticəli sonluq üçün uğurlu başlanğıc

İsmayıllı rayon İcra Hakimiyyəti 2015-ci ildə daha yüksək nəticələrə çatmaq üçün uğurlu başlanğıc götürülmüşdür. Bu məqsədlə idarə, müəssisə və təşkilat rəhbərlərinin, layihə müəllifləri və icraçılarına, kreditor bank  direktorlarının müşavirəsini keçirmişdir.

Rayon İcra Hakimiyyətinin başçısı Mirdaməd Sadıqov tikinti, abadlıq, quruculuq, su və qaz çəkilişi, elektrik  enerjisi  şəbəkəsinin əsaslı təmiri, yeni asfalt küçələrin salınması, uşaq bağçası və məktəb  tikintisi layihələri barədə təhlili məlumat vermiş, icraçıların işlərin gedişi barədə informasiyanı dinləmişdir.
    2 hektardan çox ərazini əhatə edən  və 120 nəfər  daimi işçi  olacaq. “Yaşıl market”in (müasir bazarın) tikintisində işlərin gedişi və obyektin ilin ikinci yarısında  istifadəyə veriləcəyi barədə layihənin icraçısı Vidadi İsgəndərov müfəssəl məlumat vermiş, qeyd etmişdir ki, bu müəssisənin əsas profili kənd təsərrüfatı məhsullarının tədarükü və satışı olacaqdır.
      Rayon Qaz İstismarı sahəsinin rəisi çoxdan gözlənilən bir layihənin icrasına başlandığını müşavirə iştirakçılarının  diqqətinə çatdırmışdır. Qədim Basqal qəsəbəsinə qaz çəkilişi davam etdirilir. Qəsəbədaxili şəbəkə işlənir, daşıyıcı kəmər  çəkilir.
      Müşavirədə o da qeyd edilmişdir ki, investorların rayona daha çox cəlbi üçün 2015-ci ildə daha çox iş görüləcək. İşlər o səviyyədə uğurlu olacaq ki, Azərbaycan Respublikasının Prezidenti cənab İlham Əliyev növbəti səfəri zamanı diqqəti və qayğısının nəticəsi olaraq yeni bir İsmayıllını görəcəkdir.