Müəllimlər arasında Şahmat yarışı keçirilmişdir.
Təhsil işçilərinin asudə vaxtlarını səmərəli keçirmək məqsədilə Rayonun ümumtəhsil müəssisələrinin müəllimləri arasında Azərbaycan xalqının ümummilli lideri Heyder Əliyevin anadan olmasının 92- ci ildönümünə həsr olunmuş şahmat yarışı başa çatmışdır. Yarışda 25 nəfərdən çox təhsil işçisi qədim intellektual idman oyununda öz güclərini sınamışlar. Maraqlı keçən yarışda şəhər 5 nömrəli tam orta məktəbin müəllimi Arif Babayev I yeri, şəhər 2 nömrəli tam orta məktəbin müəllimi Aydın Rəhimov II yeri, Qubaxəlilli kənd tam orta məktəbin müəlllimi Famil Səfərov III yeri, Təzəkənd kənd tam orta məktəbin müəllimi Şərafəddin Rzayev IV yeri tutmuşlar. Qaliblər RTŞ- si və Həmkarlar İttifaqı Rayon Komitəsinin diplomu və pul mükafatı ilə qiymətləndirilmişdir. Birinci yeri tutan Arif Babayev aprel ayının sonunda Bakı şəhərində keçirilən Respublika birinciliyinin final mərhələsinə vəsiqə qazanmışdır.
