Şriftin ölçüsü :

Saytın rəngi :

Çempion qızlarla görüş

15 aprel 2015 | 15:00

2014-2015-ci il mövsümü üçün Azərbaycan Futbol Federasiyaları Assosiasiyası (AFFA) tərəfindən 13 yaşadək (U-13) qız futbolçulardan ibarət komandalar arasında Azərbaycan çempionatı keçirilib. Çempionatda İsmayıllı rayonunun Hacıhətəmli kənd tam orta  məktəbinin “Babadağ” komandası   qələbə çalmış  və  çempion adını qazanmışdır.
        Bu münasibətlə 14 aprel 2015-ci il tarixdə Rayon İcra Hakimiyyətinin başçısı  Mirdaməd Sadıqov idmançılarla görüşmüş və onlara   hədiyyələr təqdim etmişdir. Görüşdə  İcra hakimiyyətinin müavini Sevil Əhmədova ,  İsmayıllı Futbol  Federasiyasının rəhbəri,  Rayon Polis Şöbəsinin rəisi Nizami Qocayev, Rayon Təhsil Şöbəsinin müdiri Rasim Orucov, Hacıhətəmli kənd tam orta məktəbinin direktoru  Nazim  Ağakişiyev və məşqçi Ədalət Əhmədov  iştirak etmişdilər.
Rayon İcra Hakimiyyətinin başçısı Mirdaməd Sadıqov çıxış edərək bildirdi ki, Azərbaycan artıq dünyada idman ölkəsi kimi tanınır. Ölkəmizin paytaxtı Bakı şəhərində I Avropa Oyunlarının  keçirilməsi Azərbaycanı bir daha dünyada yenidən tanıdacaqdır. Avropa Oyunlarında 49 ölkədə 6000-dən çox idmançı mübarizə aparacaqdır.
Çıxış edənlər diqqət və qayğıya görə   Rayon İcra hakimiyyətinin başçısı Mirdaməd Sadıqova  minnətdarlıqlarını bildirdilər.

Keçidlər