İsmayıllıda 1 iyun Uşaqların Beynəlxalq Müdafiə Günü qeyd olundu.
“1 iyun - Uşaqların Beynəlxalq Müdafiə Günü” ilə əlaqədar Heydər Əliyev parkında tədbir həyata keçirildi. Mərasimdə RİHB-nın müavini S.Əhmədova, Gənclər və İdman idarəsinin rəisi T.Salehov, RTŞ-si metodkabinetinin müdiri Hümbət Əsədov və digərləri qonaq qismində iştirak edirdilər. RİHB-nin müavini Sevil Əhmədova çıxışında bildirdi ki, demokratik dövlətlərdə olduğu kimi, Azərbaycanda da insan haqlarının, eyni zamanda uşaq hüquqlarının qorunmasına xüsusi önəm verilir. Uşaqlar bizim gələcəyimizdir və ölkəmizin gələcək inkişafı onların əlindədir. Onların müdafiəsinə hamılıqla qoşulmaq bizim borcumuzdur. Tədbirdə uşaq incəsənət məktəbinin şagirdləri, məktəbəqədər təhsil müəssisəsinin uşaqları musiqi nömrələri və ədəbi-bədii kompazisiyalarla çıxış etdilər. Fərqlənən şagirdlərə və kiçik yaşlı uşaqlara fəxri fərmanlar və hədiyyələr verildi.
