Beynəlxalq əlaqələr

Qardaşlaşmış şəhərlər coğrafi olaraq bir-birindən uzaq olan yaşayış məskənlərinin, mədəni və ticari əlaqələri ilə ortaya gətirdikləri birlikdir.
Müasir qardaşlaşmış şəhərlərin inteqrasiyası ilk dəfə I Dünya müharibəsindən sonra 1920-ci ildə Keighley və Poix-du-Nord şəhərləri arasında baş tutub.
II Dünya müharibəsi zamanı Avropada antihitler koalisiyasına üzv dövlətlərin bəzi şəhərləri dostluq və əməkdaşlıq əlaqələri yaratmışdılar. Konkret olaraq, 1942-ci ildə SSRİ-nin Stalinqrad və İngiltərənin Kantri şəhərləri arasında bü cür münasibətlərin əsası qoyulmuşdur.
Ümumdünya Qardaşlaşmış Şəhərlər Federasiyası 1957-ci ildə Fransada yaradılmışdır. 1957-ci ildən sonra isə şəhərlərin qardaşlaşması rəsmiləşdirilməyə başladı. Şəhərlər arasında qardaşlaşma əsasən mədəni, iqtisadi, siyasi, turizm, sənaye, təhsil, səhiyyə, kənd təsərrüfatı, ətraf aləmin mühafizəsi sahəsində əlaqələrin möhkəmləndirilməsi və inkişafı ilə müşayiət olunur. İndiyədək Ümumdünya Qardaşlaşmış Şəhərlər Federasiyasına 4000-dən artıq şəhər üzv olub.
Azərbaycan şəhər və rayonları, o cümlədən İsmayıllı rayonu da bir sıra dünya şəhərləri ilə qardaşlaşmış şəhər statusunu daşıyır.
İsmayıllı raoynu ilə qardaşlaşmış şəhərlər aşağıdakılardır:
• Yaponiya, İto şəhəri
• Belarus Respublikası, Nesvij şəhəri
• Latviya Respublikası, Amata bələdiyyəsi
• Fransa Respublikası, Evian Le ba şəhəri
• İsrail Dövləti, Kiryat Bialik şəhəri
• Çexiya Respublikası, Cənubi Çexiya regionu
• Özbəkistan Respublikası, Riştan şəhəri