İsmayıllı Regional Debat Mərkəzi xüsusi diplomla təltif edilib

27 may 2016-cı il tarixində Hyatt Recency otelinin Quba zalında “Respublika Gənclər Debat Forumu 2016: Yaz” layihəsinin bağlanış və Mükafatlandırma mərasimi keçirilib.
İsmayıllı rayon Gənclər və İdman İdarəsinin rəisi Taleh Salehov və İsmayıllı Regional Debat Mərkəzinin rəhbəri  Elvin Əlizadənin də  iştirak etdiyi mərasimdə İsmayıllı Regional Debat Mərkəzi gənclər arasında multikulturalizm ideyalarının təbliğində fəal iştirakına görə Azərbaycan Respublikası Gənclər və İdman naziri Azad Rəhimov və DVC-nin sədri Seymur Hüseynov tərəfindən diplomla mükafatlandırılıb.
“Respublika Gənclər Debat Forumu 2016: Yaz” layihəsi başa çatıb. Bağlanış mərasimində Prezident Administirasiyasının ictimai-siyasi məsələlər şöbəsinin Gənclər təşkilatları ilə iş sektorunun müdiri Vüsal Quliyev, Gənclər və İdman Nazirliyinin gənclərə iş şöbəsinin müdiri İndira Hacıyeva, Prezidentin millətlərarası, multikulturalizm və dini məsələlər üzrə dövlət müşaviri xidmətinin məsləhətçisi Sərraf Hüseynov, Azərbaycan Respublikası Prezidenti yanında Gənclər Fondunun aparat rəhbəri Faiq Qürbətov və DVC-nin sədri Seymur Hüseynov çıxış ediblər.
Çıxışlardan sonra forumun qalib və ən yaxşı natiqləri mükafatlandırılıb. Multikulturalizm ideyalarının gənclər arasında təbliğinin aparılmasında fəaliyyətinə görə İsmayıllı Regional Debat Mərkəzi xüsusi diplomla təltif edilib.