1 İyun – Uşaqların Beynəlxalq Müdafiəsi Günü
Bu gün dünyanın ən saf təbəssümünə, ən ülvi sevgisinə və ən böyük ümidinə sahib olan uşaqların günüdür.
Uşaqlar həyatımıza sevinc gətirən, gələcəyimizi formalaşdıran ən qiymətli sərvətimizdir. Onların xoşbəxt, sağlam, təhlükəsiz və qayğı ilə əhatə olunmuş mühitdə böyüməsi hər bir cəmiyyətin ən vacib vəzifəsidir.
Cənab Prezident İlham Əliyevin rəhbərliyi ilə ölkəmizdə uşaqların hüquqlarının qorunması, onların sağlam və təhlükəsiz mühitdə böyüməsi, keyfiyyətli təhsil alması və hərtərəfli inkişafı daim diqqət mərkəzində saxlanılır. Gələcəyimizin etibarlı təminatı olan uşaqların xoşbəxt böyüməsi üçün dövlət tərəfindən mühüm layihələr və sosial proqramlar həyata keçirilir.
1 İyun – Uşaqların Beynəlxalq Müdafiəsi Günü münasibətilə bütün balaca fidanları ürəkdən təbrik edir, onlara sevinc dolu uşaqlıq, uğurlu gələcək və arzularının gerçəkləşdiyi bir ömür arzulayırıq.
Qoy hər bir uşağın üzü gülsün, arzuları qanad açsın, gələcəyi isə işıqlı olsun!
