“Alın yazısı”
İsmayıllı rayon İcra Hakimiyyətinin təşkilatçılığı ilə iyun ayının 12-də, Aydın Murovdağlının “Alın yazısı” adlı poeması əsasında Gəncə Dövlət Dram Teatrının hazırladığı ədəbi-bədii kompozisiya, Gənclər Mərkəzinin iclas zalının səhnəsində rayon ictimaiyyətinin nümayəndələrinə təqdim olundu.
Aktyorların çıxışından öncə şəhər 3 nömrəli tam orta məktəbin tarix müəllimi Famil Əhmədzadə Qurtuluş Günü ilə bağlı tarixi məqamlara toxundu.
Kompozisiyanın göstərisində teatrın yüksək peşəkarlığı ilə seçilən aktyorları iştirak etmişdir. Mövzu olaraq vətən, millət sevgisinin təbliği əsas götürülmüşdür.
Milli Qurtuluş gününə həsr edilmiş “Alın yazısı” ədəbi-bədii kompozisiyası böyük maraqla qarşılandı, hər zaman vətənpərvərlikləri ilə seçilən İsmayıllı sakinlərinə zövqlü anlar yaşatdı.
Bunun qarşılığı olaraq tamaşaçılar aktyorları alqışlar və gül-çiçək dəstələri ilə mükafatlandırdılar.
Sonda RİH başçısı Mirdaməd Sadıqov Gəncə Dövlət Dram Teatrının kollektivinə özünün və İsmayıllı sakinləri adından minnətdarlığını bildirdi.
