İsmayıllıda “Hərəyə bir ağac əkək” kampaniyası uğurla davam edir.
19 dekabr 2017-ci il tarixdə Yeni Azərbaycan Partiyası İsmayıllı rayon təşkilatı İsmayıllı Meşə Mühafizəsi və Bərpası müəssisəsi (MMBM) ilə birgə İDEA İctimai Birliyinin yaşıllaşdırma hərəkatının davamı olaraq partiyanın yaranmasının 25 illiyi ilə əlaqədar "Hərəyə bir ağac əkək" kampaniyası çərçivəsində Qalınçaq meşəbəyliyinin Qalınçaq kəndi ərazisində 3 ha sahədə 3100 ədəd findıq tingi əkilib. Yeni əkilən ağaclara lazımi aqrotexniki qulluq göstərilib.
Ekoloji mühitin sağlamlaşdırılmasına yönələn bu xeyirxah aksiyada partiyanın rayon təşkilatının üzvləri, həmçinin rayon Meşə Mühafizəsi və Bərpası Müəssisəsinin kollektivi, gənclər, Qalınçaq kəndinin sakinləri yaxından iştirak ediblər.
Yeni Azərbaycan Partiyası İsmayılıı rayon təşkilatı ağacəkmə kampaniyası dövründə tədbirlər planına müvafiq olaraq, mərhələli şəkildə partiya üzvlərinin sayına uyğun ağac əkməyi planlaşdırıb.
