Keyvəndi kəndində artezian quyusu istifadəyə verildi

15 iyun 2013-cü il tarixdə Keyvəndi kəndində artezian quyusunu istifadəyə  verilməsi ilə əlaqədar tədbir keçirildi.
Tədbiri rayon İcra Hakimiyyəti başçısının müavini  M. Süleymanov açaraq iştirakçıları Azərbaycan xalqının milli qurtuluş günü münasibəti ilə təbrik etdib və rayonda gedən tikinti-quruculuq işləri barədə məlumat verdi. Qeyd etdi ki, kəndlərin sosial problemlərinin  həlli istiqamətində ardıcıl tədbirlər görülür. Keyvəndi kəndində əhali içməli su çatışmadığı üçün korluq çəkirdilər. Rayon rəhbərliyi tərəfindən Respublikanın əlaqədar təşkilatlarına müraciət olundu. Qısa vaxt ərzində “Azərbaycan Meliorasiya və Su Təsərrüfatı” ASC-nin xətti ilə artezian quyusu qazılıb istifadəyə verildi. Su həyatdır. Su olmayan yerdə inkişaf da olmaz. Əminəm ki, Keyvəndi kəndi bundan sonra daha da inkişaf edəcək və əhalinin həyat səviyyəsi yaxşılaşacaq.
İsmayıllı Su-kanal idarəsinin rəisi A.Salmanov quyunun qısa müddətdə qazıldığını və işin keyfiyyətlə görüldüyünü qeyd etdi. Bildirdi ki, quyunun suvermə qabiliyyəti qənaətbəxşdir. Bundan sonra kənd sakinləri keyfiyyətli içməli su ilə təchiz olunacaqlar.
  Kənd sakinləri onların problemlərinə həssaslıq  və qayğı ilə yanaşıldığına görə Azərbaycan Respublikasının Prezidenti cənab İlham Əliyevə, Rayon İcra Hakimiyyətinin başçısı cənab M. Sadıqova və bu xeyirxah işdə zəhməti olan bütün şəxslərə minnətdarlıqlarını bildirdilər.