Milli Qəhrəman Mübariz İbrahimovun doğum gününə həsr olunmuş tədbir keçirilib

07 fevral 2018-ci il tarixdə İsmayıllı şəhər 6 nömrəli tam orta məktəbdə Milli Qəhrəman Mübariz İbrahimovun doğum gününə həsr olunmuş tədbir keçirilib.
Tədbir Azərbaycanın Dövlət Himninin səslənməsi ilə başlanıb. 
   Ardınca Vətənimizin müstəqilliyi uğurunda şəhidlik zirvəsinə yüksələn igid oğul və qızlarımızın əziz xatirəsi bir dəqiqəlik sükutla yad edilib. 
Tədbirdə İsmayıllı rayon Gənclər və İdman İdarəsinin rəisi Taleh Salehov, Rayon İcra Hakimiyyətinin Nümayəndəsi Bəhruz Xələfov, 6 nömrəli tam orta məktəbin direktoru Qalib Bəşirov, Səfərbərlik və Hərbi Xidmətə Çağış üzrə Dövlət Xidmətinin İsmayıllı rayon şöbəsinin nümayəndəsi Röyal Musayev, Qarabağ Müharibəsi Veteranları və Şəhid ailələri İctimai Birliyinin nümayəndəsi Kamil Dadaşov çıxış edərək Mübariz İbrahimovun qəhrəmanlığından geniş söz açıbar.
Sonra Tədbirdə Milli Qəhrəman Mübariz İbrahimova həsr edilmiş film nümayiş olunub. Şəhər 6 saylı tam orta məktəbin şagirdlərinin  hazırladığı ədəbi-bədii kompoizisiya nümayiş etdirilib.
İsmayıllı gəncləri Qarabağ müharibəsində qəhrəmanlıq göstərərək, şəhid olmuş vətən övladlarının ruhu qarşısında özlərini həmişə borclu bilirlər. Bu borcu müxtəlif formalı, zəngin  məzmunlu tədbirlərlə anım və xatirə günləri, yürüşlər, ziyarətlər, ədəbi-bədii kompozisiyalar və flaşmoblarla yerinə yetirirlər.