Müasir aqreqatlarla mineral gübrələrin və pestisidlərin tətbiqi mövzusunda fermerlərlə görüş keçirilib
2018-ci ilin mart ayının 16-da İsmayıllı rayon Kənd Təsərrüfatı İdarəsinin və “Park Aqro” MMC-nin birgə təşkilatçılığı ilə Almaniya Respublikasından gəlmiş mütəxəsislərin iştirakı ilə Talıstan kəndi ərazisində taxıl əkini sahəsində seminar – müşavirə keçirilib. Görüşdə aidiyyəti mütəxəsislər və iri taxılçılıq təsərrüfatlarını əhatə edən fermerlər iştirak edib. Burada Almaniya istehsalı olan toxum və gübrəsəpən, pestisidlərin verilməsi üçün çiləyici aqreqatlar nümayiş etdirilib və bu aqreqatların iş prinsipi, eləcə də digər texnikalardan üstünlüyü barədə fermerlərə ətraflı məlumat verilib. Almaniyalı mütəxəssislər fermerləri maraqlandıran sualları cavablandırıb.
Görüşün təşkilində əsas məqsəd Avropada aparılan müasir aqrotexniki tədbirlərin rayonumuzda tətbiqi və bu sahədə fermerlərin maarifləndirilməsidir.
