“Əbədiyyət dastanı”nın təqdimatı

Ümummilli liderimiz Heydər Əliyevin  böyüklüyünü, dahiliyini fenomenliyini əks etdirən bədii əsərlərdən biri də Zəlimxan Yaqubun “Əbədiyyət dastanı” poemasıdır. Mədəni İnkişaf Mərkəzi İctimai Birliyi poemanın audiodiskini, audiokitabını hazırlamış, 19 iyun 2013-cü il tarixdə Heydər Əliyev  Mərkəzində Mədəniyyət və Turizm Nazirliyi Mədəniyyətşünaslıq üzrə  Elmi Metodik Mərkəzi ilə birgə təqdimatını keçirmişdir. Mərkəzin direktor müavini Polad Zeynalov, İctimai Birliyin rəhbəri, mərkəzin  əməkdaşı Gəray Əlibəyov, YAP rayon təşkilatının sədri Əzizə Vahabova, RİH-nın əməkdaşı Valeh Salehov təqdimat mərasimində  çıxış etdilər.
Audiodiskin səs müəllifi, əməkdar artist Azad Şükürov  audiokitab üzərində işləməyindən, bu diski yaradıcılığının zirvəsi hesab etdiyindən danışdı. Sonda çox dəyərli, çox təsirli bir şer dedi. Bu səs sahibini hamı ürəkdən alqışladı. Sonra Rayon İcra Hakimiyyəti başçısının müavini Sevil Əhmədova çıxış edərək “Əbədiyyət dastanı”nın yüksək dəyərindən, audiodiskin səs ifasının dərin təsirindən, Ulu öndərin 90 illiyi ilə əlaqədar rayonda keçirilən rəngarəng tədbirlərdən danışdı. Daha sonra Ümummilli liderin İsmayıllıya həsr olunmuş “Mübarək səfərlər, səmimi görüşlər” kitabını qonaqlara  hədiyyə etdi.