Dövlət qulluqçuları günü qeyd olundu
22 iyun 2013-cü il tarixdə Dövlət qulluqçuları günü qeyd olundu. Gənclər Mərkəzindəki bayram tədbirini Rayon İcra Hakimiyyəti başçısının müavini Sevil Əhmədova giriş nitqi ilə açdı. Dövlət qulluqçuları günü haqqında RİH-nin ictimai-siyasi və humanitar şöbəsinin baş məsləhətçisi Valeh Salehov danışdı.
Dövlət qulluğu veteranı Fərman Bəşirov, Ailələrə və Uşaqlara Dəstək Mərkəzinin direktoru Lətifə Əliyeva Dövlət qulluqçularını təbrik etdilər.
Rayon İcra Hakimiyyətinin başçısı Mirdaməd Sadıqov Dövlət qulluqçuları günü münasibətilə tədbirə gələnləri səmimi təbrik etdi, qarşıdakı möhtəşəm vəzifələrin icrasında hamıya müvəffəqiyyətlər arzuladı. Sonra 10 nəfərə RİH başçısının Fəxri fərmanını təqdim etdi. 10 nəfər dövlət qulluqçusuna təşəkkür elan olundu.
Kamilə Nəbiyeva və Pünhan İsmayıllının birgə klipi nümayiş etdirildi. Bundan sonra Kamilə muğam dəsgahı oxudu və rayon mədəniyyət mərkəzi “Niyal” ansamblının konserti oldu.
