İsmayıllı rayonunun dağlıq ərazilərində yağan dolu və leysan yağışları bir sıra kəndlərə ziyan vurub.
10 may 2018-ci il tarixdə axşam saat 22-23 radələrində rayonun dağlıq ərazisində yağan dolu və leysan yağışları nəticəsində Köhnədaxar kəndində kənd təsərrüfatına və kənddaxili yollara ziyan dəymişdir. Rayonun Əhən kəndində bələdiyyə mülkiyyətində olan su təsərrüfatına və kəndin daxili yollarına ziyan dəymişdir. Lahıc qəsəbəsinə gedən yolun bir neçə hissəsində dağ yamacı axaraq yolu bağlamışdır.
*****
10 may 2018-ci il tarixdə saat 17 radələrində rayonun dağlıq ərazisində yağan dolu və leysan yağışları nəticəsində Basqal qəsəbəsi, Sulut və Xankəndi İƏD üzrə nümayəndəliklərini əhatə edən kəndlərin kənd təsərrüfatına, bağ və bostanlara, kənddaxili yollarına ziyan dəyib. Basqal-Sulut yolunun 8-ci kilometrliyində yerləşən körpünü dağlardan gələn sel apardığı üçün Sulut kəndinin rayonla əlaqəsi kəsilib.
