Gənclərlə növbəti görüş
11 iyul 2013-cü il tarixdə Rayon İcra Hakimiyyətinin başçısı Mirdaməd Sadıqovun gənclərlə Heydər Əliyev Mərkəzində görüşü olmuşdur. Müxtəlif fəaliyyət istiqamətləri üzrə gənclərin fəallığının artırılması yolları müzakirə olunmuş, fikir mübadiləsi aparılmışdır. Qeyd olunmuşdur ki, ideyalar, layihələr ətrafında gənclərin birləşməsi, müasir düşüncə tərzinə əsaslanan sosial-iqtisadi inkişafla bağlı təkliflər verilməsi baxımından Rayon Gənclər və İdman idarəsi fəallıq göstərmir.
Yeni, müasir zamanla tam səsləşən layihlərin hazırlandığını bildirən M.Sadıqov müəllim qeyd etdi ki, bütün bu sahələrin idarə olunması gənclərə tapşırılacaq.
Görüşdə İsmayıllı Dövlət Humanitar və Texnalogiyalar Kolleci barədə müfəssəl məlumat verildi, onun rayonun sosial-iqtisadi inkişafında oynayacağı roldan danışıldı.
Sonra fikir mübadiləsi aparıldı, gənclərin həyatı ilə bağlı səmərəli təkliflər oldu.
