Şəhər 3 saylı məktəb-liseydə 20 yanvar faciəsinə həsr olunmuş tədbir
16 yanvar 2019-cu il tarixdə şəhər 3 saylı məktəb-liseydə 20 Yanvar faciəsinin 29-cu ildönümü ilə əlaqədar “20 Yanvar – Qəhrəmanlıq salnaməsi” adlı tədbir keçirilib.
Tədbir məktəbin foyesində təşkil olunmuş 20 Yanvar faciəsini əks etdirən sərginin təqdimatı ilə başlayıb.
Sonra Azərbaycan Respublikasının ərazi bütövlüyünün müdafiəsində şəhid olanların əziz xatirəsi bir dəqiqəlik sükutla yad edilib.
Məktəb pedaqoji və şagird kollektivini, valideyinləri, qonaqları əhatə edən tədbirdə məktəbin direktoru Əhmədağa Ələkbərov çıxış edərək qeyd edib ki, 20 Yanvar faciəsi heç vaxt unudulmayacaq. Bu qanlı hadisədə əli olanlar gec- tez tarix qarşısında cavab verəcəklər.
Sonra İsmayıllı Rayon İcra Hakimiyyətinin ictimai-siyasi və humanitar məsələlər şöbəsinin baş məsləhətçisi Gülnarə Mirzəliyeva çıxış edərək tədbir iştirakçılarına 20 Yanvar hadisələri ilə bağlı geniş məlumat verib.
Uşaqların təqdimatında ədəbi-bədii kompozisiya nümayiş etdirilib
