Xeyr-şər evi açıldı

Rayon İcra Hakimiyyətinin başçısı Mirdaməd Sadıqov İsmayıllıya gəlişinin ilk günlərində xeyr –şər evlərinin layihəsini təqdim etdi və bu evlərin  tezliklə tikilib istifadəyə veriləcəyini bildirdi.
       Əhaliyə Prezident və dövlət qayğısının yeni bir təzahürü olan mərasimlər evi ulu öndər Heydər Əliyevin adını daşıdığı prospektdə beşmərtəbəli binanın həyətində tikilib başa çatdırılıb.
      Avqust ayının 4-də Xeyr-şər evinin açılışı oldu. Ətrafda yaşayan sakinlər, din xadimləri, müharibə və əmək veteranları, ziyalılar, ictimai fəallığı ilə seçilən qadınlar, inşaatçılar açılışda iştirak etdilər.
       Mirdaməd müəllim  bu münasibətlə şəhər  sakinlərini təbrik etdi, “xeyirli olsun” dedi. Bildirdi ki, insanlar bundan sonra cənab Prezident İlham Əliyevin rəhbərliyi ilə daha xoşbəxt həyat yaşayacaqlar, dövlətimiz hər bir məsələnin həllində vətəndaşının yanında olub və olacaqdır.
         Azərbaycan Respulikası  Prezidenti cənab İlham Əliyevin tapşırığı ilə tikilən mərasimlər evi şəhər sakinlərinə bundan sonra böyük xeyr verəcək. Ailələr artıq xərcdən azad olacaqlar. Hər kəs  ixtiyarlı olacaq ki, ailəsinə aid    mərasimi     burada keçirsin.
         İştirakçılar ölkə rəhbərinə dərin  minnətdarlıqlarını bildirdilər. Açılışdan sonra  ilk xeyir məclisi keçirildi-iftar süfrəsi açıldı.
        Allah rizası üçün açılan süfrə arxasında əyləşən din xadimləri ümummilli liderin, şəhidlərin ruhuna, torpaqlarımızın  bütövlüyü naminə dualar etdilər. Xeyirxah işi görənlərin  dünyadan köçmüşlərinə rəhmət dilədilər.
         İftar süfrəsinin iştirakçıları fəxr etdilər ,qürur duydular ki, Azərbaycan kimi bir ölkənin vətəndaşıdırlar. Azərbaycanın  mirvarisi olan İsmayıllının sakinləridirlər.