DSK ixtisaslaşmış kurs keçirmişdir
86 saylı İsmayıllı Dairə Seçki Komissiyası 05.08.2013 - 07.08.2013-cü il tarixdə “Azərbaycan Respublikasında İnsan Hüquqlarının müdafiəsi üzrə Milli Fəaliyyət Planının təsdiq edilməsi haqqında” Azərbaycan Respublikası Prezidentinin Sərəncamı əsasında dairə seçki komissiyalarının üzvləri və məntəqə seçki komissiyalarının sədrləri üçün İsmayıllı şəhərinin “Qala” şadlıq sarayında seçki hüququ üzrə ixtisaslaşdırılmış üç günlük kurslar keçirmişdir.
Məlumat üçün bildiririk ki, bu kurslar 29 iyul – 02 avqust 2013-cü il tarixlərində Mərkəzi Seçki Komissiyasında Dairə Seçki Komissiyalarının sədrləri üçün keçirilmiş kursların davamıdır.
Kurslarda 86 saylı İsmayıllı Dairə Seçki Komissiyasının sədri Əlirəmzi Məhərrəmovun, Mərkəzi Seçki Komissiyasının əməkdaşı Rafiq Abbasovun, RİHB-nın
I müavini Rövşən Ağayevin, rayon prokuroru Rahib Seyidovun, rayon Məhkəməsinin hakimi Azad Əliyevin, rayon Polis şöbəsinin əməkdaşı Əhməd Hacıyevin çıxışları dinlənilmişdir.
