Səhiyyə işçilərinin peşə bayramı qeyd olunub.
14 iyun 2019-cu il tarixində Tibb işçilərinin peşə bayramı qeyd olunub. Əvvəlcə Rayon İcra Hakimiyyətinin başçısı cənab Mirdaməd Sadıqovun iştirakı ilə bir qrup tibb işçisi Ümummilli lider Heydər Əliyevin abidəsi önünə gül dəstələri qoyub. Sonra Rayon Mərkəzi Xəstəxananın akt zalında keçirilən tədbiri baş həkim Aydın Əsədov açıb, səhiyyə işçilərini peşə bayramları münasibəti ilə təbrik edib, fəaliyyətlərində onlara uğurlar arzulayıb. Sonra Rayon İcra Hakimiyyəti başçısının birinci müavini Rövşən Ağayev, Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Sevil Əhmədova tibb işçilərini təbrik edib, dövlət səhiyyə siyasətinin uğurlarından, xidmət sahələrində bundan sonra daha çox iş görüləcəyindən, əhalinin sağlamlığının təmin olunması üçün daha əsaslı tədbirlər həyata keçiriləcəyindən danışıblar. İsmayıllı Dövlət Humanitar və Texnologiya Kollecinin tibb fakultəsinin tələbləri tibb işçilərinə öz təbrikini çatdırıb. Yekunda bir qrup qabaqcıl tibb işçisinə RİH başçısının və Rayon Mərkəzi Xəstəxanasının Fəxri Fərmanı təqdim edilib.
