Yeni uşaq bağçası istifadəyə verildi
26 avqustda Yaponiya səfirliyinin maliyyə dəstəyi ilə tikilmiş 40 yerlik uşaq bağçasının açılışı olmuşdur. Təntənəli mərasimi RİH başçısının müavini Sevil Əhmədova açmış, yeniliklərdə daha çox imzası olan RİH-nin başçısı Mirdaməd Sadıqov çıxış etmiş, Yaponiyanın Azərbaycandakı səfirinə, tikintidə əməyi olan hər kəsə təşəkkür etmişdir.
Səfir Şusuke Vatanabe çıxış edərək fəaliyyətlərində sosial layihələrə üstünlük verdiyini, qardaşlaşmış İto şəhəri ilə İsmayıllının münasibətlərinin Azərbaycan-Yaponiya münasibətləri səviyyəsində inkişaf edəcəyini demişdir. Layihəyə dəstək verdikləri üçün rayon rəhbərliyinə və bağçanın pedaqoji işçi heyətinə təşəkkür etmişdir. Valideynlər onların ehtiyaclarını nəzərə alıb bağça tikdikləri üçün rayon rəhbərliyinə və cənab səfirə razılıqlarını bildirmişlər.
Sonda bağçanın otaqlarına baxış keçirilmiş həyətdə dostluq rəmzi olan ağaclar əkilmişdir.
