Şəhid Xəyyam Daşdəmirovun xatirəsinə həsr olunmuş veloyürüş keçirilib
Tədbir İsmayıllı Şəhidlər Xiyabanı - Şəhid Xəyyam Daşdəmirovun məzarı (Balik kəndi) -İsmayıllı Şəhidlər Xiyabanı marşrutunu əhatə edib.
İştirakçılar rayon Mərkəzi Xəstəxanasının həkimləri tərəfindən müayinə olunduqdan sonra yürüşə start verilib. Onları İsmayıllı rayon Polis Şöbəsinin Yol Patrul və Post Patrul xidməti əməkdaşları və təcili tibbi yardım avtomobilinin müşayiət edib. İlk öncə Şəhidlər Xiyabanında dəfn olunmuş şəhidlər ziyarət olunub sonra, Tovuz döyüşlərində şəhid olmuş Xəyyam Daşdəmirovun Balik kəndində məzarı ziyarət edilib.
Qeyd edək ki, Azərbaycan Respublikasının Nazirlər Kabineti yanında Operativ Qərərgahın qəbul etdiyi qərara əsasən açıq havada idman yarışlarının və oyunlarının keçirilməsinə icazə verilib.
