YAP İsmayıllı rayon təşkilatı Vətən Müharibəsində şəhid olan Məmmədli Cəmil Habil oğlunun ailəsini ziyarət edib

Yeni Azərbaycan Partiyası (YAP) İsmayıllı rayon təşkilatının nümayəndələri Vətən müharibəsində şəhid olmuş hərbi qulluqçusunun ailələsini ziyarət ediblər.

15 fevral 2021-ci il tarixdə  torpaqlarımızın azadlığı uğrunda  şəhid olan Məmmədli Cəmil Habil oğlunun ailəsi ziyarət edilmişdir.

YAP İsmayıllı rayon təşkilatının sədri Sevil Əhmədova şəhid Cəmil Məmmədlinin valideynləri ilə söhbət zamanı bildirib ki, onların övladları igidlik, fədəkarlıq, şücaət göstərərək 30 ildir işğal altında olan torpaqlarımızın azad edilməsi zamanı şəhid olub.

Belə qəhrəman övlad yetişdirdiklərinə görə onlara minnətdarlıq edib. Bildirib ki, hər bir şəhid ailəsi, hər bir qazi Azərbaycan Prezidenti İlham Əliyevin, Birinci vitse-prezident Mehriban xanım Əliyevanın, Azərbaycan dövlətinin daim diqqətindədirlər. Onlara olan diqqət və qayğı əbədidir.

Şəhidin atası onlara göstərilən diqqət və qayğıya görə ölkə başçısına və Mehriban xanım Əliyevaya öz dərin minnətdarlıqlarını bildirdi.

Qeyd edək ki, şəhid Məmmədli Cəmil Habil oğlu ölümündən sonra Azərbaycan Respublikasının Prezidentinin müvafiq sərəncamları ilə ”Vətən uğrunda”, “Xocavəndin azad olunmasına görə” və “Fizulinin azad olunmasına görə  medalları ilə təltif edilib.