“3 İyun – Dünya Velosiped Günü” münasibətilə İsmayıllıda velosiped turniri keçirilib
29 may 2025-ci il tarixində İsmayıllı şəhər Heydər Əliyev adına istirahət parkında İsmayıllı Rayon İcra Hakimiyyətinin, Dağlıq Şirvan Regional Gənclər və İdman İdarəsinin və İsmayıllı rayon Təhsil sektorunun təşkilatçılığı ilə “3 İyun – Dünya Velosiped Günü” münasibətilə yeniyetmələr arasında velosiped idman növü üzrə İsmayıllı rayon turniri keçirilib.
Bu turnirin məqsədi velosiped idmanını təşviq etmək, yeniyetmələrin idmana olan marağını artırmaq, sağlam həyat tərzini təbliğ etmək və velosiped sürməyin ətraf mühitin mühafizəsinə töhfəsini vurğulamaq idi.
Turnirdə iştirak edən yeniyetmələr həm idman bacarıqlarını nümayiş etdirdilər, həm də dostluq mühitində əyləndilər. Sonda qalib və fərqlənən idmançılar təşkilatçılar tərəfindən diplom və hədiyyələrlə mükafatlandırılıb.
