Bədii gimnastika üzrə 20-ci Azərbaycan çempionatının iştirakçıları içtirakçıları ismayıllıda
18 noyabr 2013-cü il tarixdə saat 1230-da çempionatın iştirakçıları olimpiya idman kompleksinə gəldilər. Onları rayon İcra Hakimiyyəti başçısının birinci müavini Rövşən Ağayev, müavinləri Sevil Əhmədova, Həsən Həsənov qarşıladılar. Yarışda onlara uğurlar arzuladılar. R.Ağayev dedi ki, İsmayıllı ilə tanışlığa kompleksin foyesində təşkil olunmuş sərgidən başlamağı xahiş edirəm. Sonrakı tanışlıq üçün maraqlı proqram hazırlamışıq. Hər şey sizin istəyinizcə olacaqdır.
Mədəniyyət mərkəzinin bədii kollektivləri qonaqlar qarşısında rəqs və mahnılarla çıxış etdilər.
Rayon İcra Hakimiyyətinin rəhbərliyi bədii gimnastika üzrə 20-ci Respublika çempionatı iştirakçılarının şərəfinə “Röya” şadlıq evində ziyafət verdi.
İştirakçılara rayonun sənətkarlıq, toxuculuq nümunələrindən və simvollarından ibarət hədiyyələr təqdim olundu.
Ziyafətdə şən rəqslər, rəqs kompozisiyaları ifa oldu.
Gimnastlar rəqsdə də usta olduqlarını göstərdilər.
Rayon rəhbərliyinin diqqəti və qayğısı iştirakçılar tərəfindən dərin razılıq hissi ilə qarşılandı.
