Hörmətli Mehriban xanım!
İctimai dövlət xadimi, əsl azərbaycan qadınına xas olan ən yüksək keyfiyyətləri özündə birləşdirən xeyirxah insan Sizi İsmayıllı rayon ictimaiyyəti adından, doğum gününüz münasibətilə təbrik edirik. Sizə can sağlığı, dövlətimizin rifahı naminə gördüyünüz işlərdə uğurlar arzulayırıq.
Azərbaycanın zəngin tarixinin, mədəniyyətinin, musiqisinin, milli-mədəni dəyərlərinin , bir sözlə əsl azərbaycanlı kimliyinin dünyada tanıdılması istiqamətində rəhbərlik etdiyiniz Heydər Əliyev Fondunun fəaliyyəti danılmazdır. Dünyada Sizin adınız xeyirxahlıq nümunəsi, humanist dəyərlərin təbliğatçısı və ilhamvericisi kimi göstərilir.
Azərbaycan xalqının möhtəşəm qələbəsi ilə başa çatan Vətən müharibəsində Prezidentimiz və xalqımızla bir oldunuz. Şəhid və qazi ailələrinə qayğı ilə yanaşaraq daim yanındasınız.
Biz ismayıllılar Azərbaycanın parlaq gələcəyi naminə Prezidentimizi və Sizi əmin edirik ki, sədaqətlə dövlətimizə və xalqımıza xidmət edəcəyik.
Bir daha Sizi doğum gününüz münasibətilə təbrik edir, möhkəm can sağlığı və bol –bol uğurlar arzulayırıq.
