İsmayıllı Rayon İcra Hakimiyyətinin başçısı N. Behdiyev adına İsmayıllı şəhər 6 nömrəli tam orta məktəbin kollektivi ilə görüşüb
23 dekabr 2021-ci il tarixində rayon rəhbəri N. Behdiyev adına İsmayıllı şəhər 6 nömrəli tam orta məktəbdə olub, pedaqoji kollektivlə görüşüb.
Əvvəlcə məktəbin şəhid məzunlarının xatirəsinə inşa edilmiş abidə kompleksi ziyarət edilib, önünə gül dəstəsi qoyulub.
Daha sonra RİH-in başçısı məktəbin pedaqoji kollektivi ilə görüşüb, onları düşündürən və narahat edən problemlərlə maraqlanıb, məktəbin iş rejimi ilə tanış olub, sinif otaqlarını gəzib, tədris prosesini izləyib, şagirdlərin vətənpərvərlik mövzusunda çıxışlarını dinləyib. Rayon rəhbəri fəaliyyət göstərən “STEAM" mərkəzinin müasir təhsil avadanlıqları ilə təchiz edilmiş otaqlarında olub, onların gələcək iş proqramı ilə maraqlanıb.
Məktəbin rəhbəri və pedaqoji kollektivi məktəbin inşası üçün Prezident İlham Əliyevə, Heydər Əliyev Fondunun rəhbəri Birinci Vitse- prezident Mehriban xanım Əliyevaya öz dərin təşəkkürlərini bildiriblər.
Məlumat üçün bildirək ki, N.Behdiyev adına İsmayıllı şəhər 6 nömrəli tam orta məktəbin yeni binası 2021-ci il noyabrın 1-də ölkə rəhbəri İlham Əliyev və Birinci xanım Mehriban Əliyevanın İsmayıllıya səfəri zamanı istifadəyə verilib.
.jpeg)
.jpeg)
.jpeg)
.jpeg)
.jpeg)
