İsmayılıda Səfərbərlik və Hərbi Xidmətə Çağırış üzrə Dövlət Xidmətinin yaradılmasının 10-cu ildönümü qeyd olunub

12 fevral 2022 | 16:00

13 Fevral Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yaranması günüdür. Bu münasibətlə İsmayıllı Rayon İcra hakimiyyətinin başçısı, Səfərbərlik və Hərbi Xidmətə Çağırış üzrə Dövlət Xidmətinin İsmayıllı rayon şöbəsinin rəisi və şəxsi heyəti Ümummilli Lider Heydər Əliyevin xatirəsini ehtiramla anıb, Şəhidlər xiyabanında Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarları üzərinə gül dəstələri qoyublar.

Daha sonra Heydər Əliyev Mərkəzində “Səfərbərlik və Hərbi Xidmətə Çağırış üzrə Dövlət Xidməti 10 il” adlı filmə baxılıb. Çıxış edən rayon rəhbəri Xidmətin İsmayıllı rayon şöbəsinin bütün əməkdaşlarını təbrik edib, onlara şərəfli fəaliyyətlərində uğurlar arzulayıb.

Səfərbərlik və Hərbi Xidmətə Çağırış üzrə Dövlət Xidmətinin İsmayıllı rayon şöbəsinin rəisi çıxış edərək şəxsi heyətə təbriklərini çatdırıb, qurumun yaranması, inkişafı və fəaliyyəti barədə geniş məlumat verib.

Keçidlər