AFFA-nın təşkilatçılığı və “Coca-Cola” şirkətinin sponsorluğu ilə futbol turniri
14 yanvar 2014-cü il tarixdə İsmayıllı rayon Olimpiya İdman Kompleksində AFFA-nın təşkilatçılığı və Coca-Cola şirkətinin sponsorluğu ilə rayonun ümumtəhsil məktəblərinin VII-ci sinif şagirdləri arasında keçiriləcək futbol yarışının açılışı olmuşdur.
Açılışda AFFA-nın nümayəndəsi Əzizə İmanova, RİH-nın nümayəndəsi Rövşən Yəhyayev, Rayon Gənclər və Idman idarəsinin rəisi Taleh Salehov və futbol məşqçisi Tərlan Vahidov çıxış etmişlər.
Turnirin ilk günündə şəhər 3 və 5 saylı, Hacıhətəmli və İvanovka tam orta məktəblərinin komandaları yarışmışlar. Turnirin davamında 17 komanda yarışacaq. Yekunda I və II yerləri tutan komandalar mükafatlandırılacaq və Respublika final yarışlarına dəvət olunacaq.
Təşkilatçı və sponsor turnirin keçirilməsi üçün yaradılan şəraitdən razı qalmışlar.
