Mərkəzləşdirilmiş Kitabxana Sistemində Azərbaycanın Milli Qəhrəmanı Mübariz İbrahimovun doğum günü
Bu gün İsmayıllı Rayon Mərkəzləşdirilmiş Kitabxana Sisteminin Xidmət şöbəsində İsmayıllı Rayon Mədəniyyət və Turizm Şöbəsi, MKS-in Uşaq şöbəsinin birgə təşkilatçılığı ilə xalqımızın vətənpərvər oğlu, Azərbaycanın Milli Qəhrəmanı Mübariz İbrahimovun doğum günü münasibəti ilə tədbir keçirilib.
MKS-in Oxuculara xidmət şöbəsinin müdiri Səbirə Seyidova Mübariz İbrahimovun torpaqlarımızın bütövlüyü uğrunda göstərdiyi misilsiz şücaətindən danışıb. Bildirib ki, Mübariz neçə illərdən sonra həsrət qaldığımız Vətən torpağına qanı axan ilk şəhidimizdir.
Kitabxananın daim oxucuları olan məktəblilər vətənpərvərlik mövzusunda şeirlər səsləndirib, Mübariz İbrahimovun valideynlərinə məktub yazmasını səhnələşdiriblər.
Mərkəzləşdirilmiş Kitabxana Sisteminin direktoru Ələddin Ələkbərov, “İsmayıllı xəbərləri” qəzetinin baş redaktoru Şahməmməd Soltanov, İsmayıllı Rayon Mədəniyyət Mərkəzinin direktoru Təhmuraz Bayramov, İsmayıllı Rayon Mədəniyyət Mərkəzinin direktor müavini Könül Baxışova Mübariz İbrahimovun həyat yolundan, göstərdiyi igidliklərdən söhbət açıblar.
