Qan yaddaşı möhkəmlənir

21 fevral 2014-cü il tarixində “Xocalı Soyqırımını Tanıtma” İctimai Birliyinin  təşəbbüsü, birliyin üzvü şəhər 1 saylı tam orta məktəbin tarix müəllimi Məmmədova Təranənin təşkilatçılığı və  VIIb sinif  şagirdlərinin iştirakı ilə Xocalı Soyqırımının 22-ci ildönümü ilə əlaqədar tədbir  keçirildi. Tədbir “Şəhidlər ölməz, vətən bölünməz” devizi altında keçirildi. Tədbirdə “Xocalı Soyqırımını Tanıtma” İctimai Birliyinin sədri, “Ana harayı” qəzetinin baş redaktoru, Qarabağ müharibəsi veteranı Şamil Sabiroğlu, Milli Qəhrəman Füzuli Rüstəmovun bacısı Fiqurə Rüstəmova, ictimai birliyin əməkdaşı Dilbər Soltanova, şair Vaqif Nəcəfzadə iştirak etdilər. Şamil Sabiroğlu Xocalı hadisələrinin  şahidi kimi  məlumatlar verdi. Fiqurə Rüstəmova qardaşı, Milli Qəhrəman Füzuli Rüstəmovun  igidliklərindən danışdı. Şair Vaqif Nəcəfzadə vətənpərvərlik  mövzusunda şerlərini söylədi. VII b sinif şagirdləri kompozisiyalarını təqdim etdilər.
     Dövlət qulluğu veteranı Valeh Salehov çıxış edərək Xocalı Soyqırmında normal insan düşüncəsinə sığmayan vəhşiliklərin  törədilməsindən, qələbə naminə hərbi vətənpərvərlik  tərbiyəsinin gücləndirilməsi zəruriliyindən, “XOCALI-ya Ədalət”! kompaniyasında  gənclərin hamılıqla sosial şəbəkələrdə fəal iştirakının vacibliyindən danışdı.
   Tədbir milli qan yaddaşımızı möhkəmləndirmək baxımından əhəmiyyətli oldu.