Şahmat Olimpiadasının iştirakçıları Lahıcda
16 yaşlı uşaqlar arasında Respublika Şahmat Olimpiadasının İsmayıllı Olimpiya İdman Kompleksində keçirildiyi barədə məlumat verilmişdi. Şahmatçılar yalnız yarışla kifayətlənmir, rayonda tarixi yerləri, zəngin təbiəti, burada gedən abadlıq-quruculuq, yeniləşmə işləri ilə də yaxından tanış olurlar. Rayon İcra Hakimiyyətinin rəhbərliyi hər gün 2 avtobus ayırır və maraqlananları qədim Lahıca ekskursiyaya göndərir. Maraqlanan qonaqlar isə çox-çoxdur.
Şahmatçıları səfərlərdə Rayon Gənclər və Idman idarəsinin rəisi Taleh Salehov, digər əməkdaşlar Bəhruz Səfərəliyev, Taleh Məhərrəmov və Elmi Məmmədli müşaiyət etmişlər.
Olimpiada iştirakçıları, hakimlər, təşkilatçılar, idmançılarla gələn valideynlər Rayon İcra Hakimiyyətinin və bütün digər strukturların qayğılı münasibətindən razılıq edirlər və təşəkkürlərini bildirirlər.
