Oğuz rayonunda Açıq Əyləncəli Futbol Məktəbi layihəsinin 3 günlük seminarı keçirilmişdir
14-16 avqust tarixlərində Oğuz rayonunun mərkəzində yerləşən 5 ulduzlu Afra Hoteldə AFFA-nin Açıq Əyləncəli Futbol Məktəbi (Open Fun Football School) layihəsinin 3 günlük seminar proqramı keçirilmişdir. Proqrama Azərbaycanin bütün bölgələrindən və rayonlarından fiziki tərbiyyə və futbol muəllimləri, eləcə də idmansəvər fəal gənclər dəvət olunmuşdu. Layihə ərzində onların həm nəzəri həm də praktiki bilgilərinin artırılması tədbirləri və bir sıra idman xarakterli maarifləndirici tədbirlər həyata keçirilmişdir. Proqramın məqsədi isə fiziki, psixoloji və əqli çatişmazlıqdan əziyyət çəkən, siyasi münaqişələrin intensiv olaraq baş verdiyi ərazilərdə yaşayan və bir sıra zərərli vərdişlərin aludəçisi olmaq təhlükəsində olan azyaşlı uşaqların sağlam ruhda böyüməsi, onların idmana, xüsusilə də futbola daha da həvəslə yanaşması üçün stimullaşdırıcı və motivəedici tədbirlərin rəallaşdırılması idi. İsmayıllı rayon Gənclər və İdman İdarəsinin təşəbbüsü nəticəsində idarənin aparıcı mısləhətçisi Elmi Məmmədlinin rəhbərliyi altında rayonun 5 nəfər idmansəvər gəncləri də bu proqramda fəal iştirak etmişdir. Seminarlarda və praktiki estafetlərdə İsmayilli gəncləri öz fəallığı ilə seçilmiş və bu cür maarifləndirici tədbirləri həyata keçiirən müvafiq orqan və təşkilatlara öz xüsusi minnətdarliğını bildirmişdir.
