“Vətənin Müdafiəsinə Hazıram!” poliotlon çoxnövçülüyü üzrə zona mərhələsi
09 oktyabr 2014-cü il tarixdə saat 11:00-da E.Məmmədov adına İsmayıllı şəhər 3 saylı tam orta məktəbin idman bazasında payız çağırışına həsr olunmuş “Vətənin Müdafiəsinə Hazıram!” poliotlon çoxnövçülüyü üzrə zona mərhələsi keçirildi. Yarışda 6 rayonun – İsmayıllı, Şəki, Qəbələ, Oğuz, Qax və Ağdaş rayonunun komandası iştirak etdi. Yarışı giriş sözü işə açan İsmayıllı rayon Gənclər və İdman idarəsinin rəisi T.Salehov hər kəsi salamladı və iştirakçılara uğur arzuladı. Sonra Rayon Təhsil şöbəsinin metodisti İ.Vahabov çıxış edərək gəncləri uğura ruhlandıran nitq söylədi.
Yarış gərgin mübarizə şəraitində keçdi. Qələbə uğrunda əzmlə mübarizə aparan komandalardan I yerə İsmayıllı komandası, II yerə Qax komandası və III yerə Qəbələ komandası layiq görüldü.
Qalib gəlmiş komandalar Gənclər və İdman Nazirliyi tərəfindən diplomlarla təltif edildi və 22-27 oktyabr 2014-cü il tarixdə Qəbələdə keçiriləcək Respublika final mərhələsində iştirak hüququ qazandılar.
