Dama üzrə rayon birinciliyi keçirildi
05 noyabr 2014-cü il tarixdə saat 10:00 –da İsmayıllı rayon Heydər Əliyev Mərkəzində İsmayıllı rayon Gənclər və İdman idarəsi rayon Dama federasiyası ilə birgə “9 noyabr-Milli Bayraq Günü” münasibətilə rayon hüquq mühafizə orqanları, idarə, müəssisə və təşkilatları arasında dama üzrə rayon birinciliyi keçirdi.
Tədbirdə İsmayıllı rayon Gənclər və İdman idarəsinin rəisi Taleh Salehov iştirakçıları salamladı və hər birinə uğur arzuladı. Sonra İsmayıllı Dama federasiyasının sədri Kamran Muradov və rayon İcra Hakimiyyətinin əməkdaşı Rövşən Yəhyayev çıxış edərək əldə olunan uğurlardan və qarşıda duran vəzifələrdən bəhs etdilər.
Mədəniyyət və Turizm şöbəsinin əməkdaşı Məmmədov Xanlar I yerə, Sahibkar Səfərov Süleyman II yerə və DSMF-nin rayon şöbəsinin əməkdaşı Səfərov Ramiz III yerə layiq görüldü.
Qaliblərə rayon Gənclər və İdman idarəsinin diplomları və Dama federasiyasının qiymətli hədiyyələri təqdim olundu.
