Gənclər arasında kross-qaçış yarışı keçirilib
08 noyabr 2014-cü il tarixdə saat 10:00 –da İsmayıllı rayon Gənclər və İdman idarəsi və rayon atletika federasiyası ilə birgə “9 noyabr-Milli Bayraq Günü” nə həsr olunmuş gənclər arasında kross-qaçış yarışı keçirilmişdir.
Yarışın start xətti İsmayıllı şəhər 2 saylı tam orta məktəbin yanı, finiş xətti isə İcra Hakimiyyətinin qarşısı müəyyən edilmişdir.
Tədbirdə İsmayıllı rayon Gənclər və İdman idarəsinin rəisi Taleh Salehov və rayon Atletika federasiyasının sədri Rövşən Behbutov çıxış edərək hər iki bayram münasibətilə iştirakçıları təbrik etdilər, yarışda uğurlar arzuladılar.
48 nəfərin iştirak etdiyi rayon birinciliyində Məlikzadə Teymur Əkrəm oğlu I yerə, Ələkbərli Nail Ədalət oğlu II yerə və Hacızadə Şükran Qurban oğlu III yerə layiq görüldülər.
Qaliblərə rayon Gənclər və İdman idarəsinin diplomları və medalları , atletika federasiyasının qiymətli hədiyyələri təqdim edildi. Əlavə olaraq finiş xəttinə ən tez çatan idmançı Məlikzadə Teymur federasiya tərəfindən pulla mükafatlandırıldı.
