Ümumdünya İnsan Hüquqları günü qeyd edildi.
10 dekabr Ümumdünya İnsan Hüquqları günü rayon təhsil şöbəsinin akt zalında 130 nəfər gənc seçicinin - ilk dəfə səs verənin iştirakı ilə qeyd edildi. Rayon icra hakimiyyətinin, rayon gənclər və idman idarəsinin birgə təşkil etdiyi yığıncaq ikitərəfli əhəmiyyət kəsb edirdi. Gənclər həm Ümumdünya İnsan Hüquqları günü və həm də seçki hüququ ilə bağlı biliklər aldılar. Rayon İcra Hakimiyyəti başçısının birinci müavini Rövşən Ağayev 10 dekabrın Ümumdünya İnsan Hüquqları günün təsis edilməsi tarixindən bu tarixlə bağlı sonrakı proseslərdən, insanların hüquqi biliklərə yiyələnməsi yollarından danışdı.
Rayon məhkəməsinin hakimi Azad Əliyev Azərbaycan Konustitusiyasında təsbit olunmuş insan hüquqlarından, bu hüquqların həyata keçirilməsi mexanizimindən, vətəndaşların seçki hüququndan ətraflı bəhs etdi. Çoxsaylı suallara cavab verdi. YAP rayon təşkilatının sədri Əzizə Vahabovanın , rayon icra hakimiyyətinin hüquq şöbəsinin müdiri Xətai Abbasovun, 86 saylı dairə seçki komissiyasının katibi Məhruzə Hüseynovanın çıxışları da maraqla dinlənildi. Bu tədbir ilk dəfə səs verənlərin maarifləndirilməsi baxımından əhəmiyyətli oldu.
