Mübariz İbrahimovun doğum günü ilə əlaqədar tədbir keçirildi.
Fevralın 7-də İsmayıllı rayonunda Mübariz İbrahimovun doğum günü ilə əlaqədar anım mərasimi keçirildi. Tədbir “Şəhidlər Xiyabanına” yürüşlə başlanıldı. Yürüşdə ictimaiyyət nümayəndələri ilə yanaşı gənclər, yuxarı sinif şagirdləri də iştirak edirdilər.Yürüş iştirakçıları abidə kompleksinə və şəhid məzarlarına tər çiçəklər düzdülər.
Milli Qəhrəmanın doğum günü il bağlı anım mərasimi rayon uşaq kitabxabnasının zalında davam etdirildi. Tədbir iştirakçıları igidliyi, cəsarəti və qorxmazlığı ilə düşmən qəlbinə xof salan Mübariz İbrahimovun qəhrəmanlığını əks etdirən sərgiyə baxıldılar. Qəhrəmanın xatirəsi bir dəqiqəlik sükutla yad edildi.Məktəblilər onun qəhrəmanlığını əks etdirən şeirlər söylədilər. Mərasimdə Rayon İcra Hakimiyyəti başçısının müavini Sevil Əhmədova, İctimai-siyasi və humanitar məsələlər şöbəsinin aparat işçiləri, təhsil, mədəniyyət və gənclər təşkilatının nümayəndələri, ümumtəhsil məktəblərinin müəllim və şagird kollektivləri, ictimaiyyətin nümayəndələri iştirak edirdilər. Mərasimdə Mübariz İbrahimovun qəhrəmanlığından, vətənə olan məhəbbətindən söz açıldı, onun döyüş yolunu əks etdirən film nümayiş etdirildi.
