Məşğulluq və peşə təhsili sahəsində sosial tərəfdaşlıq: problemlər və perspektivlər

Fevral ayının 13-də İsmayıllı Peşə Tədris Mərkəzində “Məşğulluq və peşə təhsili sahəsində sosial tərəfdaşlıq: problemlər və perspektivlər” mövzusunda dəyirmi masa keçirilib.Tədbirdə Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin nümayəndəsi, Rayon Məşğulluq Mərkəzinin mütəxıəssisləri, Peşə Təhsil Mərkəzinin müəllimləri, sahibkarlıq fəaliyyəti ilə məşğul olan vətəndaşlar iştirak etmişlər.
İsmayıllı Rayon İcra Hakimiyyəti başçısının müavini Mahmud Süleymanov giriş sözü ilə çıxış edərək tədbirin əhəmiyyətindən danışıb.
Cənubi Qafqazda Özəl Sektorun inkişafı Proqramının eksperti Şəlalə Kamilova “Peşə təhsili sahəsində ictimai-özəl əməkdaşlığın gücləndirilməsi və davamlılığının təminatı”, Milli Məhsuldarlıq və Rəqabətədavamlılıq Mərkəzinin eksperti İlqar Əsədov “Peşə təhsil müəssisələri və özəl sektor arasında əməkdaşlığa ümumi baxış” mövzusunda çıxış edib.
İsmayıllı Peşə Tədris Mərkəzinin direktoru Zaur Muradov gənclərin məşğulluğunun artırılması sahəsində görülən işlərdən, şagirdlərin ən müasir standartlar səviyyəsində təhsil alması, bilik və bacarıqlara yiyələnməsi üçün yaradılan şəraitdən söz açıb.
Tədbirin ikinci hissəsində də maraqlı mövzularda çıxışlar olub və geniş müzakirələr aparılıb.