Kollecin ilk məzunlarına diplomlar verildi.

İsmayıllı Humanitar Texnologiya Kolleci 2013-cü ildən fəaliyyətə başlamışdır. Kollecdə 8 ixtisas üzrə 346 nəfər tələbə təhsil alır. Fəaliyyətə başladığı dövrdən bu günə kimi ixtisaslar üzrə mütəxəsis hazırlığı  yüksək səviyyədə həyata keçirilmiş,  tədrisin müasir tələblərə uyğun qurulmasına nail olunmuşdur. Rayonda yeganə tələbə müəssisəsi olan kollec rayonun mədəni həyatında, kütləvi tədbirlərin təşkilində həmişə yaxından işkirak edir, gənclərin əsl vətəndaş kimi yetişməsi daim diqqətdə saxlanır.
    2015-ci ildə kollecin ilk məzunlarının buraxılışı oldu. Turizm və onun təşkili fakültəsi üzrə 4 nəfər, kompüter şəbəkələrinin və hesablama texnikasının təmiri və servis xidməti fakültəsi üzrə isə 9 nəfər  kolleci bitirmişdir.  Bir nəfər məzun-Ədilova Elyanə  Təvəkkül qızı məktəbi fərqləmə diplomu ilə bitirmişdir.
Avqustun 6-da kollecdə diplomların təqdim olunması mərasimi keçirildi. Təqdimat mərasimində valideyinlər, müəllimlər, rayonun qabaqcıl ziyalıları, gənclər, RİH-nin,  şəhər bələdiyyəsinin,  yerli qəzetin nümayəndələri iştirak edirdilər.  Kollecin direktor əvəzi S.Qasımova, şəhər bələdiyyə sədri P.Ağayev, RİH-nin nümayəndəsi M.Məhərrəmov, Rayon peşə tədris mərkəzinin direktoru  Z.Muradov, “İsmayıllı xəbərləri” qəzetinin baş redaktoru  Ş.Soltanov,  valideyn  İ.Tarverdiyev, bələdiyyə  üzvü  R.Şirəliyev, müəllimlərdən Ş.əhmədov, R.Qasımov və başqaları çıxış edərək məzunları, kollecin pedaqoji kollektivini ürəkdən təbrik etdilər.RİH-nin nümayəndəsi, rayon rəhbəri  iqtisad elmləri doktoru,professor, Əməkdar elm xadimi cənab Mirdaməd Sadıqovun  səmimi təbriklərini kollec məzunlarına çatdırdı, onlara müstəqil həyat yollarında, qazandıqları sənət sahəsində uğurlar arzuladı. Məzunlara bitirdikləri ixtisaslar üzrə təntənəli şəkildə  diplomlar təqdim olundu.