Akademik Soltan Mehdiyevin anadan olmasının 110 illiyi qeyd edilib
Bu gün kimya elmləri doktoru, akademik Mehdiyev Soltan Cəfər oğlunun anadan olmasının 110 illiyi münasibətilə tədbir keçirilib.
Rayon İcra Hakimiyyətinin təşkilatçılığı ilə keçirilən yubiley tədbirində RİH başçısı Nahid Bağırov, Yusif Məmmədəliyev adına Neft-Kimya Prosesləri İnstitutunun S.Mehdiyev adına manamerlər laboratoriyasının müdiri Hafiz Əlimərdanov, alimin oğlu və rayon ziyalıları iştirak edib.
Heydər Əliyev adına Mədəniyyət Mərkəzində keçirilən tədbirdə alimin həyat və fəaliyyətini əks etdirən sərgi nümayiş olunub.
Tədbirdə akademik S. Mehdiyev haqqında tədbir iştirakçılarına məlumat verilib. Çıxış edənlər kimya elmləri doktoru, akademik Soltan Mehdiyev haqqında geniş məlumat verib, onun kimya elminə verdiyi töfhələrdən danışıb, xatirələrini paylaşıblar. Tədbirdə həmçinin S. Mehdiyevə həsr olunmuş şeir səsləndirilib.
Sonda Rayon İcra Hakimiyyətinin başçısı Nahid Bağırov tərəfindən S.Mehdiyevin oğlu Cəfər Mehdiyevə xatirə hədiyyəsi təqdim edilib.
